Home Notisia Neon Metin Fo Formasaun Risku Dijital ho Seguransa Fiziku

Neon Metin Fo Formasaun Risku Dijital ho Seguransa Fiziku

156
0
Treinamentu Neon Metin nian iha Haburas Foundation (Foto: Nogueira 'Haksolok')

Reportajen Nogueira ‘Haksolok’

Importante ba ativista no jornalista sira atu komprende kona ba risku dijital no seguransa fiziku (Digital Risks and Physical Safety) hodi nune’e bele ajuda sira nia nia an, seguru iha moris no seguru iha utilizasaun ekipamentu dijital nian.

Partisipante sira  expresa katak sira sente kontente, tanba sira bele hetan esperensia ne’ebé foun.  Nune’e sira bele kontrola sira nia aan bainhira halo atividadee esensial ruma, tanba  durante sira la dauk hatene kona-ba esperensia sira hanesan ne’e. Durante matereia la’o ha partispante sira ho treinador sira iha diskusaun aberta no fahe esperiensia.

Partisipante iha treinamentu ne’e,Tomasia, hateten katak treinamentu ida ne’e importante tebes ba nia, tanba durante ne’e nia nunka tuir treinamentu ida hanesan ne’e, no ida ne’e nia sente urguilo ba nia an tanba bele hetan oportunidade hodi mai tuir treinamemtu. Ba nia treinamentu ida ne’e motiva tebes nia.

“Hanesan ema ativista iha organizasaun ida no hanesan mós estudante, oinsa atu halo protese ba sira nia privasidade, nune’e ema labele deskobre no hetan ameasa ruma husi dezkuinesidu sira, bainhira ami halo enkontru segeredu ruma”, Tomasia hetete.

Nia mos hatete katak durante ne’e iha aplikasaun ne’ebé baibain nia  uza maibé nia la hatene ida ne’ebé mak di’k liu. Maibe bainhira ami tuir tiha treinamentu ami konsiente katak, afinal aplikasaun ne’ebé ita uza balu la seguru ba ita nia privasidade. No dalaruma bele halakon ita nia file ruma maibe ita la hatene. Treinamentu ida ne’e bele haklean mós partisipante sira nia kuisementu ba area mídia internet.

Iha sorin seluk partisipante Gibertohaktuir, nia sente orguila bele hetan konvida hosi Media Neon Metin bele mai tuir treimentu ida ne’e, ho bele aprende Digital Risks ho Physical Safety no Jornalizmu Basiku. Materia sira ne’e ba nia buat foun. “

Ba materia sira ne’ebé nia aprende, nia hateten  sei fó tutan mós ba nia maunalin sira, liu-liu iha sira nia familia laran nune’e bele hatene oinsa mak bele uza technology no oinsa mak bele proteze sira nia an bainhira halo viajen ba fatin dook”,  Haktuir Gilberto.

Xefe Redasaun Neon Metin, Fernando da Costa, hatete katak formasaun ne’e importante tebes ba ativista no estudante sira iha moirs ohin loron nian.

“Formasaun ne’e atu fo hanoin kona ba buat importante rua. Ida, oinsa estudante no ativista sira hatene kona ba risku uza ekipamentu dijital. Rua, oinsa mak iha konsiensia seguransa ba sira nia an iha nebe deit”, Fernando hatete.

Media online Neon Metin realiza treinamentu daruak nian kona-ba Digital Safety and Physical Safety no Jornalizmu Basiku  ba partisipante nain 10. Treinamentu ne’e halao iha loron 2 nia laran iha Fundasaun Haburas, hosi 9 – 10 Fevereiru. Partisipantes nain 10 ne’ebe partisipa mai hosi estudantes no Jurnalista feto nain haat no mane nai neen. Formadaor sira mai hosi Media Online Neon Metin rasik. Objetivu hosi treinamentu ne’e mak atu hasa’e kuinesementu jornalista no estudante sira nian atu hatene asegura sira nia dokumentu, dadus iha ekipamentu dijital no hatene oinsa seguru fizikamente iha uma, iha dalan, no durante halo servisu.

 

LEAVE A REPLY

Please enter your comment!
Please enter your name here