Home Notisia KI Husu Governu Haree Produtu Lejislasaun  Atu labele Taka Dalan ba Liderdade...

KI Husu Governu Haree Produtu Lejislasaun  Atu labele Taka Dalan ba Liderdade Asesu Informasaun no Imprensa

1151
0
Presidente Konsellu Imprensa (KI) Timor-Leste Otelio Ote (Foto-Media KI).

Reportajen David da Costa

Iha Reporter Sem Fronteira (RSF) kona-ba Ranking Liberdade Imprensa, ne’ebe hatudu Timor-Leste nia ranking tun husi Top 10 ba Top 20.  Tanba ne’e Konselu Imprensa (KI) Timor-leste, husu ba Govenru atu haree produtu lejislasaun sira, atu labele taka dalan ba liderdade asesu informasaun no Liberdade imprensa iha Timor-Leste.

Prezidente Konsellu Imprensa (KI) Timor-Leste, Otelio Ote, hateten, Loron hitu liuba,  iha Reporter Sem Fronteira (RSF) anosiu kona-ba Ranking Liberdade Imprensa, ne’ebe hatudu katak Timor-Leste nia ranking tun husi Top 10 ba Top 20.  Rona ida ida sente triste, maibé presiza konsiente  katak ida ne’e makaevolusaun liberdade imprensa iha mundu.

“Ita rekunhese, kahur ho sentimentu triste to’o hatudu malu se mak loos se mak sala. Maibe, ita presiza mos konsiente katak, ida ne’ne’e mak evolusaun husi Liberdade imprensa. Tanba ne’e hourseik loraik ami iha enkontru nasaun membru Rede Konsellu Imprensa Sudeste Aziatiku ka South East Asia Press Council Network (SEAPC-net), kuaze oras haat, hare mos asuntu ranking Liberdade imprensa ne’e,” dehan Prezidente KI, Otelio Ote, iha nian diskursu The Dili Dialogue Forum, iha Salaun Multi Funsi GMNTV Bebora, sexta 10/05.

Nia haktuir, Nasaun membru SEAPC-Net konsidera Reporter Sem Fronteira (RSF) mos nu’udar Organizasaun Naun Governamental ida, ne’ebe iha sira-nia avaliasaun, dalaruma simu de’it informasaun husi ema ida ka grupu ida kona-ba dezenvolvimentu Liberdade imprensa iha nasaun sira. Nune’e, labele uza RSF nu’udar fonte uniku, iha avaliasaun Liberdade imprensa, tanba iha Organizasaun seluk tan ne’ebe mos halo avaliasaun ho aprosimasaun diak liu.

“Importante ba ita, kontinua iha Espiritu luta atu sidadaun hotu iha asesu ba informasaun, iha Liberdade espresaun, no iha Liberdade imprensa. Liberdade imprensa tenki ekuilibru ho kualidade produtu media,” nia Subliña.

Konsellu Imprensa mós Eziji ba Estadu, Governu no Parlamentu Nasional atu haree produtu lejislasaun sira, atu labele taka dalan ba liderdade asesu informasaun no Liberdade imprensa. Tanba Liberdade imprensa mos sai sasukat importante ba ranking demokrasia iha kada nasaun.

“Ha’u konvida ita hotu atu aprende husi frakeza pasadu, hadia aan ohin kedas no hakat ba oin nafatin, ba media ne’ebe ho kualidade di’ak no media independente, ba povu nia Liberdade opiniuan di’ak no ba Timor-leste nia demokrasia di’ak, di’ak iha rejiaun ne’e no iha mundu,”Nia husu.

Ranking Liberdade Imprensa  ida-ne’e, nasaun sira ne’ebé ninia Liberdade imprensa di’ak liu no okupa TOP 10 mak hanesan:

1. Norway ho nia skore 91.89, 2. Denmark ho skore 89.6, 3. Sweden ho skore 88.32, 4. Netherlands ho skore 87.73, 5. Finland ho skore 86.55, 6. Estonia ho skore 86.44, 7. Portugal ho skore 85.9, 8. Ireland ho skore 85.59, 9. Switzerland ho skore 84.0,  10.  Germany ho skore 83.84.

Ho nasaun ne’ebé okupa númeru ikus liu iha index Liberdade Imprensa iha tinan 2024 maka Syria ho skore 17.41.

Print Friendly, PDF & Email

LEAVE A REPLY

Please enter your comment!
Please enter your name here