Home Notisia JICA Fasilita Matéria Edukasaun Sivika No Desportu ba Estudante Sira

JICA Fasilita Matéria Edukasaun Sivika No Desportu ba Estudante Sira

957
0
Treinadora Desportu hosi JICA hasai foto hafoin Lansa relatóriu hanorin iha Timor-Leste. [Foto: Agustinha]

Reportajen Agustinha Amaral & Filomena da Conceição

Japan Internasional Cooperation Agency (JICA-sigla Ingles), fo apoiu materia edukasaun sívika no desportu ba estudante Timor-Leste (TL), tanba husi relasaun bilateral entre nasaun rua ne’e, hakarak dezenvolve área desportu ba estudante Timor-oan sira.

“Ami agradese tebes hanorin estudante sira iha Timor-Leste,  liu-liu iha eskola Sakrojes, UNTL, no eskola iha teritóriu laran tomak, liu-liu konaba edukasaun sívika no desportu, hanesan basketball, Sorinji Kempo, no atividade sira seluk liga ho desportu nian, hanorin estudante sira oinsá bele hatene téknika no tátika husi desportu sira ne’e, futuru estudante sira bele aplika iha Timor-Leste ho di’ak.” dehan Yumi Akaike hafoin halo aprejentasaun relatóriu badak durante nia hanorin estudante sira iha eskola Universidade Nasional Timor Lorosa’e (UNTL), iha Timor Plaza kuarta, 08/06.

Tuir Physical Education at UNTL, Faculty of Education Art & Humanities, Yumi Akaike hatete, lisaun ida ba edukasaun sivika no desportu ne’e importante ba Timor-oan sira, liu-liu  estudante foinsa’e sira, atu aprende desportu sira, nune’e futuru bele dezenvolve no kontribui di’ak iha Timor-Leste.

Nia haktuir, durante hanorin estudante sira iha eskola, liu-liu UNTL, estudante barak mak gosta matéria desportu, entaun bele halo analizasaun ida katak, sidadaun Timor-oan liu-liu juventude sira, barak mak hakarak asesu masimu iha lisaun edukasaun desportu nian.

Trenu hirak ne’ebe hamutuk ho estudante sira, JICA sempre hanorin maneira oinsá bele joga, hanesan basketball, silat Sorinji Kempo, maneira oinsá sira bele hatene, bainhira iha kompetisaun ruma, sira bele dezenvolve an ho di’ak, oinsá profisionaliza ba matéria desportu ne’ebé sira hakarak.

“Ha’u orgullu hanorin matéria ezersisiu liu-liu desportu ba estudante sira, liu-liu iha eskola SD too SMA no Universidade sira iha Timor-Leste, atu sira bele aprende no mentaliza nia hanoin ne’ebé di’ak, iha lisaun desportu sira, no fiar katak sira sei aprende di’ak, futuru bele kontribui fali ba jerasaun foun Timor-oan sira seluk hodi kontinu dezenvolve desportu iha rai laran”, ho esperansa

Entre tantu Physical Education at UNTL, Faculity of education Art & Humanities, Asuka Yamamoto afirma, matéria edukasaun fizika no desportu, ne’ebé hanorin iha eskola Sakrojes, ne’e di’ak tebes ba estudnate sira atu aprende, oinsá bele hatene di’ak liutan área desportu, nune’e futuru bele iha komitmentu forsa hodi dezenvolve di’ak iha Timor-Leste.

Estudante barak mak hakarak aprende matéria edukasaun sívika no desportu, tanba ne’e JICA prontu apoiu sira no hanorin sira, konaba desportu, liu-liu basketball, Sorinji Kempo, no atividade sira seluk laiha fronteira, tanba relasaun entre Timor-Leste ho Japaun di’ak mai ho objetivu hamutuk harii dezenvolvimentu di’ak.

Prosesu hanorin materia edukasaun no desportu ba estudante Timor-oan, hodi aprende hanesan, basketball, volleyball, football, no Sorinji Kempo, tanba JICA hakarak atu hanorin Timor-oan sira, sai ema ne’ebé iha talentu boot, no mehi aas iha área desportu nian, nune’e futuru Timor-oan bele dezenvolve di’ak liutan área desportu.

“Ita haree desportu governu TL seidauk dezenvolve ho di’ak, nune’e JICA hakarak hamutuk ho governu, hodi kontinua dezenvolve matéria edukasaun sivika no desportu, hodi hanorin ba labarik sira, no ema joven produtivu sira, atu bele hatene teknika no tatika desportu nian ho diak, atu bele dezenvolve diak liutan área desportu iha Timor-Leste”.

Iha fatin hanesan, Xefe reprezentante JICA, Ito Mimpei informa ba servidor JICA nian iha Timor-Leste, husu atu kria koñesimentu ruma ne’ebé bele dezenvolve iha Timor-Leste, liu-liu orienta jovens foinsa’e sira, atu bele banati nafatin, hanesan desportu iha rai laran,

Tenke hamutuk nafatin ho Timor-oan sira, ho vontade ne’ebe di’ak nafatin ba sira, atu hanorin koñesimentu sira ne’ebé Japaun iha, hodi hatudu katak governu Japaun ho Timor-Leste  nia objetivu ba dezenvolvimentu sai efetivu liu tan.

Tanba prosesu hirak ne’ebe sira, hanesan servidor no reprezentante JICA, hodi fo hanorin ba estudante Timor-oan sira, atu bele mentaliza sira nia kapasidade iha área edukasaun fizika no desportu, atu sira rasik bele dezenvolve di’ak liutan, no bele hatudu katak Timor-oan barak mak iha inisiativu hodi moris iha edukasaun no desportu nian.

“Hau husu ba imi, hanesan peskijador sira, liu-liu JICA  nian iha nasaun Timor-Leste, labele dehan kole atu apoiu nafatin ba Timor-oan sira, liu-liu desportu nian, tanba ita nia kooperasaun no relasaun bilateral entre estadu rua nian, laiha rohan, atu ajuda malu hodi dezenvolve saída mak Timor-Leste no Japaun hakarak, nune’e husi meius sira ne’ebé imi hanorin ba estudante Timor-oan sira, fiar katak sei hatudu mos ezenplaridade di’ak iha rai laran.”

Print Friendly, PDF & Email

LEAVE A REPLY

Please enter your comment!
Please enter your name here