Home Notisia Marsa Ba Justisa Klimatika, Lú Olo: Intervensaun Urjente no Efikaz, Hodi Kombate...

Marsa Ba Justisa Klimatika, Lú Olo: Intervensaun Urjente no Efikaz, Hodi Kombate Alterasoins Klimatika

262
0
Movimentu ba Justisa Klimatika hamutuk ho estudante no komunidae em jeral halo marsa ba justusa klimatika. [Foto: Media PR | 24.09.2019]

“Karik ita la koidadu agora kedas, iha risku boot ida katak, nasaun kiik sira ne’e hetan kondisaun sei lakon ka mout iha tasi okos. Atu enfrenta dezafiu ida ne’e, ita nia hakarak mak komunidade internasional hametin kooperasaun efikaz ho komunida sira ne’ebe vulneravel”. Lú Olo

Krizi klimatika ne’ebe agora dadauk sai ameasa boot iha mundu, ne’ebe fo ameasa ba ema no animal sira nia moris, fanun povu tomak iha mundu , hodi halo asaun atu nune’e estadu bele halo buat ruma, atu resolve problema enviromentu.

Iha loron 24/09, Movimentu ne’ebe hadomi ambiente, realiza marsa ba justisa klimatika no hetan antusias masimu hosi estudantes, sosiadade sivil no komunidade em jeral ne’ebe halibur malu iha jardim B.J Habibie.

Iha eventu importante ida ne’e, Prezidente da Republika, Dr. Francisco Guterres Lú Olo hatoo lia menon ba partisipante sira, ne’ebe hatoo hosi reprezentante hosi palacio prezidensia iha jardim B.J Habibie.

Prezidente da Republika hatoo katak, problema ne’ebe agora dadauk akontese, ezije intervensaun ida urjente no efikaz hodi kombate alteraoins klimatikas ne’ebe ohin loron sai ona ameasa boot ba ema nia moris. Timor lokaliza iha rejiaun ida ne’ebe pais barak hosi pasifiku, illa barak ne’ebe hetan ameasa dadauk atu lakon

“Karik ita la koidadu agora kedas, iha risku boot ida katak, nasaun kiik sira ne’e hetan kondisaun sei lakon ka mout iha tasi okos. Atu enfrenta dezafiu ida ne’e, ita nia hakarak mak komunidade internasional hametin kooperasaun efikaz ho komunida sira ne’ebe vulneravel” hateten Lú Olo, 24/09

Lú Olo husu komunidade tomak nia partisipasaun ativa hodi kombate ida ne’eho urjente tanba importante tebes, “Ita labele taka ita nia matan, bainhira ita hanin ba mundu, saida mak ita hakarak rai hela ba ita nia oan no beoan sira. Ita hakarak rai ida buras no matak, ita tenke aprende respeita natureza “.

Tuir Xefe Estadu nia observasuan katak afinal ezemplu diak ida mak tara-bandu, karik analiza didiak Timor nia tradisaun tara-bandu mos asaun ida hodi proteje natureza, ai-horis, balada sira no wematan

Liu hosi marsa ba justisa klimatika, Prezidente da Republika hatoo katak importante tebes atu servisu hamutuk, buka dalan hodi harii ponte, hodi halo ligasaun ba malu, labele izola an, buka dalan ne’ebe sustentavel, hodi buka moris nudar umanu ho ekilibru ho natureza. Lider hotu iha mundu tenke hatene defende bein-estar ba familia umana toma, liu hosi protejeze ambiente.

“Ita nia uma boot planete terra iha hela risku laran, ema hotu tenke hatene rona malu, liu-liu rona espesialista, sientista sira ne’ebe liu hosi sira nia estudu naruk hatudu on alolos no momos risku boot, ne’ebe ita nia planeta hasoru hela”, hateten Lú Olo.

Iha eventu ne’ebe reprezenta estudante sira mos hatoo sira nia hanoin no ezijensia b estadu atu bele servisu makaas ba asumtu ambiente, no husu ba komunidade sira atu labele tesi ai arbiru, soe lixu ba tasi laran, hodi fo mahon jerasaun sira tuir mai. * [ Zevonia Vieira | Neon Metin | 24.09.2019]

LEAVE A REPLY

Please enter your comment!
Please enter your name here