Home Saude Detekta Kazu Pozitivu COVID-19 Foun 6 Iha Dili, nain 2 Iha Baucau

Detekta Kazu Pozitivu COVID-19 Foun 6 Iha Dili, nain 2 Iha Baucau

504
0
Imajen konaba virus Corona. [Foto: Copyright google | 02.04.2020]

Reportazen Francisco JDA

Ekipa vijilansia saude detektan kazu pozitivu COVID-19 foun nain 6, iha muncipio Dili. Liu hosi konferensia imprensa Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo ba jornalista informa katak progresu atividade prevensaun no mitigasaun surtu COVID-19 iha Dili hahu horseik to’o ohin loron, hosi amostra ne’ebe rekolla mak detektan kazu pozitivu nain 6 iha Dili no Iha Baucau nain 2.

Dr. Rui hateten kazu pozitivu 2 hosi aldeia Loron matan, Suku Madohi, pozitivu hirak ne’e kontaktu-besik ho sira nia familia uma-laran,  kazu pozitivu 2 seluk mak profisionál saúde ne’ebé halo formasaun Emergency Obsterics and Neonatal Care (EMONC) iha HNGV, sira nain rua kontaktu-besik ho profisionál saúde ida ne’ebé mós halo formasaun hanesan iha HNGV, ne’ebé anunsía pozitivu iha loron 10 Marsu. Hamutuk hotu sira nain 7 ne’ebé tuir formasaun EMONC no detetadu nudar kazu pozitivu.

Kazu pozitivu nain 1,rezultadu husi rastreio aleatóriu iha aldeia Terra Santa, Suku Madohi, kazu 1, idade tinan 1 fulan 8, deteta iha fatin izolamentu. Nia bá izolamentu hamutuk ho nia inan, ne’ebé atravesa irregularmente fronteira. Ho nune’e, kazu detetadu ka pozitivu iha Dili husi loron 7 Marsu to’o ohin, hamutuk hotu 53.

Iha Baucau estudante medisina nain 1 ne’ebé halo estájiu iha Hospital Referénsia Eduardo Ximenes Baucau. Kazu detetadu ida ne’e, hela iha Dili, Aldeia Monumentu Kalma, Suku Lahane Oriental, Postu Administrativu Nain Feto. Nia pozitivu tamba kontaktu-besik ho profisionál saúde ne’ebé anunsia iha loron 10.

Pasiente pozitivu nain 1 seluk ema Baucau, estuda Instituto Ciencias Saúde. Iha Baucau hela iha Aldeia Caibilale, Suku Caibada, Baucau Vila. Iha Dili, hela iha Aldeia Fomento 3, Suku Comoro. Kazu pozitivu ida ne’e, sai husi Dili ba Baucau, maibé iha Dili nia hela hamutuk ho ema ne’ebé iha kontaktu-besik ho kazu pozitivu ne’ebé antes ne’e relata tiha ona

Kazu detetadu 53 ne’e fahe ba cluster 14, namkari iha instituisaun 3, eventu 1 & Suku 6 iha Postu Administrativu D. Aleixo, no mos Postu Administrativu Vera Cruz.  Total dadu jeral ohin loron 13/08 detektak kazu 6, kazu rekuperadu nain 2 no kazu ativu nain 82.

Print Friendly, PDF & Email

LEAVE A REPLY

Please enter your comment!
Please enter your name here