Home EduTek Asina Akordu Inisiativa Spotligh UE-ONU Ho UNE-TL, Idelta: Promove Pas no Sai...

Asina Akordu Inisiativa Spotligh UE-ONU Ho UNE-TL, Idelta: Promove Pas no Sai Mensajeiru Diak

271
0
UE-ONU Ho UNE-TL asina akordu konaba inisiativa spotligh. [Foto: Media UN Women | 18.11.2020]

Reportazen Zevonia Vieira

Inisiativa Spotlight UE-ONU asina akordu ho União Nacional dos Escuteiros de Timor-Leste (UNE-TL), hodi halo esforsu atu elimina forma violénsia hotu-hotu hasoru feto no labarik feto sira.

Akordu ne’ehodi hakbesik-an ba UNE-TL husi nivel nasional, to’o ba iha nivel munisipal no ba iha areia rurais, fo treinamentu advokasia ba eliminasau violénsia hasoru feto no labarik feto sira to’o iha eskuterio nasional, haforsa inkluzaun husi ema ho defisiensia no marjinalizadu sira, no adopta kurikulum Ko-edukasional ba Lian Kontra Violensia, hodi promove programa igualdade jéneru eskuterio nian hotu.

Projeitu ne’e sei implementa ho kolaborasaun ho Ministerio Edukasaun, Juventude no Desportu, no Ministerio Administrasaun Estatal ho ho atividade sira iha eskola no suku tarjetu sira iha munisipiu tolu.  

Embaixador Uniao Europeia ba Timor-Leste, Andrew Jacobs iha eventu asina akordu hateten Kualidade boot husi movimentu eskuterio, sei ajuda eskuterio feto no mane sira atu influensia ema no ajuda halo mudansa tuir dalan ne’ebé sira hanoin kona ba violénsia hasoru feto no labarik feto sira, ho ida ne’e atu halo mudansa ba moris ida ne’ebé diak liu tan, fo espasu ba feto no labarik feto sira, atu moris livre husi ameansa violénsia.

Nia dehan eskuterio sei sai ajensia ba mudansa importante. União Europeia ho haksolok atu realiza atividade ida ne’e liuhusi finansiamentu Inisiativa Spotlight.

Iha fatin hanesan Koordenador Residensia ONU Roy Trivedy hateten União Europeia no Nasoêns Unidas kometidu, atu tau foin sa’e sira iha centro ba prevensaun violénsia hasoru feto no labarik feto sira.

“Ami fiar katak estratejia prevensaun efektivu tenki enkaixa foin sa’e sira sai hansan lider no partisipantes. Inisiativu sira atu prevene violénsia hasoru feto no labarik feto sira tenki komesa sedu iha ema nia moris liuhusi eduka no sevisu hamutuk ho labarik mane no feto sira,” hateten Koordenador Residensia ONU Roy Trivedy. 

Prezidente UNE-TL, Idelta Maria Rodrigues hateten ohin marka tan pasu importante ida entre UNE-TL no UNW, hodi fo atensaun liu ba kombate violénsia hasoru feto no labarik feto sira. Joven sira tenke partisipa ativa no hola parte iha prosesu dezenvolvimentu nasionál, hodi foti desizaun iha nível hotu no sira tenke sai autór atu kria estabilidade ho edukativa, promove pas no sai mensajeiru di’ak ba pas no seguransa.

“Ami hato’o ami-nia agradesimentu boot ba União Europeia liuhusi UN Women atu hamutuk nafatin ho ami atu eduka foin-sa’e sira nu’udár ajente ba mundansa iha ita-nia sosiedade,” hateten Prezidente UNE-TL.

Xefe Edifisiu UN Women, Sunita Caminha hateten UN Women liuhusi Inisiativa Spotlight UE-ONU asina ona akordu parseria rua Sekretaria Estadu ba Igauldade no Inkluzaun (SEII) no organizasaun sosiedade sivil CODIVA no ARCORIS ne’ebé halo advokasia ba direitu komunidade LGBTIQ iha Timor-Leste.

Foin sa’e sira iha forsa atu hari sosiedade ho nomra ida ida ne’ebe igualdade ba jeneru no naun-violensia. Ami kontente tamba hamutuk ho UE, parseria ho UNE-TL hari padraun ida ba futuru livre husi violensia”, hateten Sunita Caminha

Liuhusi komunikadu imprensa ne’ebe Neon Metin asesu esplika katak akordu tinan ida tutela iha inisiativa spotlight EU-ONU, UN Women no UNE-TL sei treina feto no mane eskuterio sira hamutuk nain 330 atu sai ajente ba mudansa, ba prevensaun violénsia iha suku sira iha Viqueque, Ermera and Bobonaro.

inkorpora mekanismu sira atu halo atividade no papel sira iha entre rede sira, ne’ebéasesivel ba grupu marjinalizadu no ema ho defisiensia sira, atu hasa’e liutan sira nia kapasidade ba prevensaun violénsia no asesu ba servisu sira.

Liu hosi spotlight ne’e sei implementa mos programa ekstrakurikular Lian Hasoru Violénsia, atu to’o ba foin sa’e sira no suporta individu nia mudansa ba attitude relasiona ho norma sira ne’ebé ekilibriu ba jéneru entre adolesente sira. 

Investimentu tinan tolu husi programa suporta husi UE iha Timor-Leste ho montante millaun $15 ho nia objetivu atu haforsa enkuadramentu legal no instituisaun sira, promove norma sosial positivu, hadi’a asesu sira atu supporta atendimentu sira ba sobrevivente violénsia, hadi’ak liutan koleksaun no uza dadus ba kria politiki ida ne’ebé diak liutan no atu haforsa parseria ho organizasaun sosiedade sivil sira. 

Asina parseria ne’e sei oferese $70.000 ba UNE-TL, atu implementa kurikulum Violensia Hasoru Feto iha munisipiu tolu, ne’ebe hahu iha Novembru 2020 – Novembru 2021 no suporta promosaun igualdade jéneru, iha nia programa hotu no haburas liutan inkluzaun iha eskuterio.

Parseria ne’e hanesan parte husi Inisiativa Spotlight UE-ONU nia esforsu dedikadu ba transformasaun norma sosial, ne’ebé perpertua violénsia no suporta autor sosiedade sivil sira ba promove igualdade jéneru iha Timor-Leste. 

Print Friendly, PDF & Email

LEAVE A REPLY

Please enter your comment!
Please enter your name here