Home Saude Atividade Iha Hospital Bidau Lao Normal, Pasiente Baixa Total 223

Atividade Iha Hospital Bidau Lao Normal, Pasiente Baixa Total 223

877
0
Hospita Nasional Guido Valadares. [Foto: copyright google | 13.03.2021]

Reportazen Francisco JDA

Iha situasaun propagasaun COVID-19, ne’ebe numeru pozitivu COVID-19 kontinua sae, liu hosi konferensia imprensa Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo relata mos konaba atividade iha Hospital Nasional Guido Valadares (HNGV) ka Hospital Bidau iha loron 12 Marsu nian, sura hosi tuku 06:00 dader to’o tuku 06:00 dader loron 13 Marsu, konaba total pasiente ne’ebe baixa hamutuk 223, total pasiente ne’ebe iha banku urjensia iha nain 100, pasiente hemodialise iha nain 36, total operasaun urjénsia iha nain 9, total inan ne’ebé partus hamutuk nain 16, total ema ne’ebé liu husi rastreiu vijilánsia epidemiolójika molok tama ba hospital laran iha 395 (111 pasientes, 284 visitantes).

Dr. Rui hatutan hosi sira ne’e, iha ema nain 20 maka tenki hasai amostra, tamba hatudu sintoma infesaun respiratoria aguda, horikalan iha 89 funsionáriu maka servisu iha hospital laran tomak.

“Atividade iha hospital lao hanesan bai-bain”, dehan Dr. Rui Iha CCD, 13/03.

Dr. Rui apela ba populasaun tomak atu nafatin hakmatek, maski kazu konfirmadu aumenta ba beibeik, no naklekar mós ona ba munisipiu Baucau, husu atu tu’ur nafatin hakmatek, atu nafatin matan-moris neon nain, lalika sé tilun ba lia-anin ka rumores, pratíka nafatin medida sira ne’ebé ita hotu hatene ona katak, uza mascara, fase liman beibeik ho sabaun ka dezinfetante ruma, evita kose liman ba matan, inus ho ibun, wainhira kumprimenta malu, la presiza ka’er liman, bensa-liman, rei-malu ka haku’ak malu, evita halibur malu barak, hamri’ik ka tur do’ok husi ema seluk, mínimu metru ida ho balun.

Print Friendly, PDF & Email

LEAVE A REPLY

Please enter your comment!
Please enter your name here