Home Notisia Estudante UNTL Halo Seminar kona-ba Digital Marketing

Estudante UNTL Halo Seminar kona-ba Digital Marketing

105
0
Digital Marketing (Foto:MDirector)

Reportajen Santina Lucia da Costa

Fakuldade Ekonomia e Gestão, Departamentu Gestão Universidade Nasiona Timor-Lorosa’e (UNTL) halo seminar ho tema “ Dezenvolvimentu Digital marketing iha atividade negosiu hodi kontribui ba diversifikasaun ekonomia sustentavel.” Seminariu ne’e hala’o iha loron sesta-feira. 25/10/2019, fatin Salaun Parokia Balide, Dili.

Tuir professor UNTL, Rolando Filipe M. Mesquita hateten, Seminariu ne’e nia vantajen ba estudante sira maka sira bele iha koñesimentu klean liu tan kona-ba digital, hanesan ema fa’an sasan online ne’ebé agora dadaun trend iha publiku, iha ita nia rain mudansa ida luar biasa lalais tebes.

“Maibé problema ida ne’ebé agora dadaun ita hasoru maka ita nia komunidade barak mak sidauk iha vota konfiansa hodi prosesu kompras de vendas liu husi dijital sira,” hateten Professor UNTL, Rolando Filipe M. Mesquita.

Rolando Filipe M. Mesquita subliña, Estudante sira tenki hatene klean tanba aban bainrua sira maka sai hanesan formadór iha futuru, enataun antes atu to’o iha komunidade sira. Oportunidade ida ne’e sira bele hatene direitamente informasaun klaru husi oradór sira ka matenek na’in sira ne’ebé iha koñesimentu kona-ba ida ne’e, Ba estudante sira ida ne’e hanesan bukae ida ba iha sira nia futuru.

Oradór husi Telokomsel, Heru Yulianto katak, nia senti orgullu tebtebes bele fahe esperiensia ba estudante sira tanba tempu agora estudante sira teni loke kapasidade luan atu aprende.

“Ami senti kontenti tanba loron ida ne’e di’ak tebes atu bele fahe esperiensia ba estudante sira, primeiru mak ekonomi, tanba tempu agora estudante sira iha kapasidade luan relasaun ho teoria ne’ebé sira aprende iha universidade no saida mak akontese iha pratika iha mundu industria, hau fahe esperiensia ne’e ralasaun ho marketing husi industry telekomunikasaun,” oradór husi Telokomsel, Heru Yulianto.

Seminariu ne’e hala’o ho obejtivu hodi komemora diaz natalis Unversidade Nasional Timor-Lorosa’e (UNTL) ba dala XVII no mós atu kompleta kadeira jestaun Kontabilidade.

LEAVE A REPLY

Please enter your comment!
Please enter your name here