Home Notisia UNODC-CAC Realiza Workshop Konaba Risku Korrupsaun Aprovizionamentu Iha Setór Saúde

UNODC-CAC Realiza Workshop Konaba Risku Korrupsaun Aprovizionamentu Iha Setór Saúde

87
0
UNODC-CAC iha workshop konaba Anti Korupsaun. [Foto: Joselina | 07.06.2022]

Reportajen estudante estajiadu UNTL, Joselina dos Santo

Gabinete Rejionál Nasaun Unida nian kona-ba Droga no Kreme (UNODC), servisu hamutuk ho Komisaun Anti-Korrupsaun (CAC) Timor-Leste,  realiza workshop Internasionál ho tema “Avaliasaun Rísku Korrupsaun Iha Aprovizionamentu setór Saúde iha Timor-Leste” objetivu atu kontribui ka partilla informasaun sira ne’ebe bazeia ba servisu instituisaun estadu nian.

Iha workshop ne’e, Komisaun Anti-Korrupsaun (CAC) Timor-Leste, Sergio de Jesus F. da Costa Hornai hatete, iha intituisaun hotu-hotu ne’ebe mak CAC sei halo nia servisu liu-liu iha área investigasaun kriminál infelizmente iha asesu sira, maibe ne’e substansiál entaun nafatin segredu professional, akuzasaun sira ne’e bele publika wainhira tribunal hodi halo julgamentu.

Nia dehan provizionamentu saúde nu’udar albun ida  hodi fo espasu ne’ebe kle’an no eleva koñesimentu ajente sira ne’ebe hala’o kna’ar iha area  aprovizionamentu hodi la bele monu ba krime korrupsaun abuzu podér, konflitu interese no administrasaun iha situasaun moras mundial Kovid-19 nian.

“Workshop ida ne’e nu’udar espasu ida ba ita atu bele prienxe ita nia frakeza sira iha aprovizionamentu, kontratasaun públika, ezekusaun orsamentu no mós halo kontrolu no monitorizasaun sira, nune’e bele lori no diresiona ita ba iha situasaun ida loos, no hasees ita husi konflitu interese no abuzu poder,”  Komisaun CAC Sergio de Jesus F. da Costa Hornai Iha edifisiu Hotel Timor, 06/06.

Iha workshop ne’e, Ministra Saúde, Dr. Odete Maria Freitas Belo hatete, atividade aprovizionamentu kontinua la’o, orsamentu iha ka laiha Ministériu Saúde kontinua hala’o servisu tanba ne’e liga ho komunidade no populasaun sira nia moris, liga ho aimoruk no ekipamentu médiku sira nian.

“Ami la halo avaliasaun ba ami nia aan rasik, maibe liu husi enkontru ida ne’e Ministériu Saúde  hamutuk ho diretór sira ami halo kada terseira feira design ba atividade enkontru ne’ebe bolu bolseira diresaun, koalia kona-ba ezekusaun orsamentu no mos servisu sira ne’ebe liga ho aprovizionamentu,” dehan MS.

Print Friendly, PDF & Email

LEAVE A REPLY

Please enter your comment!
Please enter your name here