Reportajen Joselina dos Santos
Ministériu Saúde (MS) ho Reprezentante Organizasaun Saúde Mundial (OMS), Arvind Mathur ho ekipa Saúde hala’o enkontru kona-ba “HIV PrEP & Hepatitis B Drugs and HIV Diagnostic Test Kits” objetivu atu hamenus moras HIV inklui moras sira seluk iha Timor-Leste.
Iha enkontru ne’e Ministra Saúde, Dr. Odete Maria Freitas Belo hatete kazu ba HIV no Hepatitis kontinua akontese iha Timor-Leste, nia seidauk hatene nia númeru loloos, no kazu ne’e kontinua aumenta, nia lahatene los nia aumenta tanba saida, karik inan sira ne’ebe mak tuur ahi ho HIV Sida, nune’e aumenta nafatin, iha aimoruk balu ne’ebe bele prevene atu nune’e moras ne’e hamenus.
‘Ita sempre hamutuk atu haree moras ne’e mai husi ne’ebé, nune’e ita bele hakotu nia abut ida hada’et ne’e husi ne’ebe, tanba ne’e importante,” Dehan Ministra Saúde, Odete Maria Freitas Belo iha Ekontru iha Palacio dos Cinzas Caicoli, 06/06.
Nia hatutan ohin ko’alia mos kona-ba atividade servisu ne’ebe hala’o iha Hospital Nasionál Guido Valadares (HNGV), no mos iha ospitál referral kona-ba doasaun ran ema nian, iha ekipamentu médiku no imateriál atu teste prevene katak ema ne’ebe mak oferese ran ne’e tenke ho kualidade.
“Espera katak test kits sira ne’ebe ita simu ho test kits sira ne’ebe rai iha Sames no farmasia order ne’e iha ona pakote ida, atu nune’e bainhira ita halo test ran hodi oferese ba ema ita mos asegura katak ran ne’ebe mak maluk sira simu ne’e ran ne’ebe ho kualidade tanba ita nia kazu Tuberkoluze HIV Sida ne’e aas iha ita nia rai,” nia tenik.
Ministra relata Ai-moruk HIV Sida nian iha tinan 2017-2018 no mos iha tinan ida ne’e fundu global husu ba Ministeriu Saude atu bele sosa mesak aimoruk sira balu, katak governu tenke hatudu ninia kompromisu, atu bele sosa ai-moruk ba nia populasaun hodi fó atendimentu, labele hein deit atu tane liman maibe ita mos iha kapasidade atu sosa aimoruk ba komunidade sira.
