Home EduTek Eleitu Ba Prezidente ICT-TL, Raimundo:Presiza Serbisu Makaas Ba Konsensializa Papel ICT

Eleitu Ba Prezidente ICT-TL, Raimundo:Presiza Serbisu Makaas Ba Konsensializa Papel ICT

1182
0
Prezidente eleitu Asosiasaun ICT-TL, Natalino Raimundo Soares. [Foto: Copyright Facebook | 07.11.2020]

Reportazen Zevonia Vieira

“Entidade relevante tenke garantia eskola no fasilidade publiku tenke infraestrutura baziku ba ICT nian, hodi aselera prosesu aprendizazen no atendementu publiku sira”. Raimundo Soares

Natalino Raimundo Soares eleitu nudar Prezidente Asosiasaun Informação Comunicação e Tecnologia Timor-Leste (ICT-TL) ba mandatu tinan lima.

Ba Neon Metin Prezidente Asosiasaun ICT-TL, Natalino Raimundo Soares hateten programa tinan lima nian ba oin ba estrutur foun nian programa sei for prioridade kurtu prazu mak hanesan legalizasaun estatuta hosi notariadu, estabele sekretariadu ICT-TL, ba iha mediu prazu mak sei dezenha planu atividade annual, estabelese sistema baze de dadus ba membru ICT-TL no halao papel advokasia iha setor ICT no ba longu prazu mak sei halao programa annual ba ICT Award, treinamentu no kapasitasaun ba membru no halo peskiza no estudu ba iha area ICT nian.

Relasiona ho mundansa ne’ebe ICT hakarak atinji, ba Neon Metin via telefone Prezidente eleitu hateten, mudansa nesesariu  ne’ebe hakarak atinji mak entidade hotu tenke esforsu, atu bele garante kualidade asesu presu nebe asesivel ba ema hotu, tantu husi capital too area rurais. Garantia eskola no fasilidade publiku tenke infraestrutura baziku ba ICT nian, hodi aselera prosesu aprendizazen no atendementu publiku sira.

Nia dehan iha kontestu TL,  presiza serbisu makas ba konsensializa papel ICT nee rasik, tamba iha seklu 21 no revolusaun industria 4.0 ICT, sai hanesan pilar importante ida, setor hotu-hotu kuaze iha nia dependensia makas ba ICT nee rasik.

Liu hosi diskursu ba dahuluk nian Prezidente eleitu Raimundo hateten, “maske hetan vitoria,  maibe vitoria ida ne’e ba ita hotu nian,  tanb hau nian kolega nebe kompete ho hau mos mesak fundador ba asosiasaun ida ne’e”.

Nia mos informa katak ba estudante sira, ICT-TL iha planu atu kontinua programa hirak nebe halo ona iha tempu hirak liu ba hanesan ICT Fresh (Freedom of Sharing)  no ICT Goes to Campus.

Liu hosi kongresu ICT-TL nian ba daruak iha loron 05-06 Novembry, ne’ebe realiza iha salaun IOB, eleisaun ba hili Prezidente foun Raimundo manan votus ho total 117 no kandidatu seluk Abilio Bernardo Caldasho hetan votus 15.

Iha kongresu daruak Asosiasaun ICT-TL nian realiza mos seminaiu nasional ho tema  “Konsolida Rekursu Hodi Konkretiza Papel Teknolojia Informasaun (TI) no Komunikasaun iha Dezenvolvimentu Nasional”, iha salaun Instituto of Business (IOB), halao mos Bazar Digital ka Feira ICT, iha kompetisaun Blog no mos kompetisaun ba Game Online sira.

Semináriu no kongresu ne’e hetan apoiu no kolaborasaun hamutuk ho entidade Telkomsel, Telemor, TT, investor Metro Link, Genesis Tech, Timor Plaza, Euros Group, Fundasaun Dezenvolvimentu Software Livre no mos komunidade Online sira inklui média Crocodili Multimédia ne’ebé halo Live Streaming  ba eventu no IOB.

Print Friendly, PDF & Email

LEAVE A REPLY

Please enter your comment!
Please enter your name here