Home Notisia Program Xesta Bazika, MCAE: Oportunidade Asesu Aihan Fasil Iha Periodu Ida Ne’e

Program Xesta Bazika, MCAE: Oportunidade Asesu Aihan Fasil Iha Periodu Ida Ne’e

171
0
Ministru Koordenador Asuntus Ekonomiku (MCAE) Eng.Joaquim Amaral entrega hela aihan ba inan feto. [Foto: Copyright Media MCAE | 09.11.2020]

Reportazen Francisco JDA

“Dadus ne’ebe ita iha katak kiak ne’e asesu ba ai han ne’e mak vuneravel, laos la iha ai han“. MCAE

Ministru Koordenador Asuntus Ekonomiku (MCAE) halao audensia ho komisaun Parlamentar D ho C, hodi koalia kona ba asuntus ekonómiku iha Timor-Leste.

Hafoin audensia Ministru Koordenador Asuntus Ekonomiku (MCAE) Eng.Joaquim Amaral ba jornalista informa katak relasaun ho programa Xesta Bázika, produtu sei to’o ba komunidade hotu  no sei koopera, badinas halo no tau matan ba produsaun. Sei sirkula no époka mai bele kompleta númeru, no husu atu la pesimista tanba programa ne’e universal no iha direitu atu asesu.

“Dadus ne’ebe ita iha katak kiak ne’e asesu ba ai han ne’e mak vuneravel, laos la iha ai han. Programa ida ne’e ajuda atu bele iha oportunidade asesu ba ai-han fasil iha periode ida ne’e , atu nune’e ita nia kompania iha atividade no oportunidade para asume responsabilidade kontratu hosi governu, sosa ita nia to’os nain nia produtu”,  hateten Eng. Joaquim iha Parlamentu Nasional, 09/11.

Nia explika katak hosi programa Xesta Bázika ne’e iha alvu tolu hanesan famila hetan ai-han no kompania hetan oportunidade iha osan oituan, produsaun agrikultor sire beleiha oportunidade hodi hakiak manu no iha manutolun sira nia produsaun merkadu bele observe

MCAE dehan liga ho programa Xesta Bázika ba voucher sei implementa iha fulan Novembru nia laran, Ministeriu Turismo Comersiu Industria (MTI) mak sei toma responsabiliza no introdús iha kapital Dili, ho centru urbanu 12 loja sira ne’ebe preparadu no prontu bele uza sistema voucher no sira nia loja iha kondisaun atu rai ai-han ka modo tahan ho kleur oituan.

“Se família iha nain 10, bele uza uluk nain 3 no semana rua tuir mai, uza tan nain 3 ka nain 4. Iha iha flexibilidade ba ida ne’e, ba governu diak liu hotu-hotu aplika iha loja, tanba hamenus kustu logistika, la presiza ema lori to’o iha Xefi Aldeia no Xefi Suku sira atu fahe”, hateten Joaquim.

Dadus populasaun ba Xesta Bazika nian hosi Ministeriu Estatal besik 1.5 miliaun, tuir Ministru Juaquim sei verifika fali ho dadus distribuisaun nian, hein katak bainhira verifika, numeru ne’e bele tun fali.

Sorin Seluk Deputada Lidia Norberta iha audensia hatete, desde ukun-an, iha balun ne’ebe asesu ona ba ai-han ne’ebe saudavel, iha maluk balun mos seidauk asesu ba a-han saudavel. Liu hosi  ne’e mak hare relevánsia ho programa Xesta Bázika ne’ebe iha no koalia mos kona ba kontinuidade iha tinan 2009 no 2010, iha duni programa Povu Kuda, Governu Sosa ida ne’e mak governu agora halo dadauk, viabiliza programa Xesta Bazika ho kontinua programa Povu Kuda Governu Sosa.

LEAVE A REPLY

Please enter your comment!
Please enter your name here