Home Notisia Polítika MAP Hasae Produsaun Rai Laran, Pedro: Maibe Tenke Investe Osan

Polítika MAP Hasae Produsaun Rai Laran, Pedro: Maibe Tenke Investe Osan

201
0
Ministru Agrikultura no Peska (MAP), Pedro dos Reis. [Foto: David | 24.09.2021]

Reportajen Santina Lucia da Costa

Ministériu Agrikultura no Peskas (MAP) halo enkontru ho Prezidente Repúblika Dr. Francisco Guterres Lu Olo, hodi koalia kona-ba diálogu Prezidente Repúblika nian ba iha Munisípiu Manufahi no Ainaru, hare ba preokupasaun ne’ebé mai husi komunidade sira iha Munisípiu rua ne’e.

Hafoin enkontru Ministru Agrikultura no Peska (MAP), Pedro dos Reis hateten enkontru ho Prezidente Repúblika hodi koalia relasiona ho vizita halo diálogu iha Munisípiu Ainaru ho Manufahi, tanba ne’e maka Prezidente Repúblika konvida MAP mai pasa tan informasaun  balun kona-ba ho perguntas ne’ebé durante dialogu akontese

“Problema barak la halimar ne’eba akompaña, ami fó responde bal-balun no ohin atu kompleta liu tan para Prezidente Repúblika bele entende didi’ak.”dehan Ministru Pedro dos Reis iha Palasiu Prezidensiál Nicolau Lobato, Bairo-Pite, 23/11.

Ministru akresenta problema ita entende iha inundasaun foin liu ba estragu barak, irigasaun kuaze at hotu ho limitasõens barak, Kafé, ai-samtuku ne’e kuaze mate hotu ona, planu ba futuru oinsa,  liga ba animal hanesan fahi sira mate hotu ona. Programa governu nian mak halo restocking haki’ak fila-fali.

“Tanba esforsu tomak Ministériu halo ne’e, kuaze territóriu Timor ne’e ami hasai sedimentasaun hotu, iha eskema hotu-hotu halo ba hare sira ne’ebe moris iha natar laran,  no ema koileta. Laclo ita hotu-hotu hatene, hau rasik dala lima ba vizita iha ne’eba Laclo mota ne’e laiha tiha ona, entaun presija integradu, Ministeriu seluk tenki ba dada bee dalan tuir nia fatin.” Hateten, Pedro dos Reis.

Pedro afirma kona-ba irrigasaun iha Lospalos, no Galata Baucau, ne’e aprova ona iha Konsellu Ministru no prosesu tenderizsaun hala’o hela.

Nia realsa tan katak kona-ba hasa’e produsaun ai-han ba tinan oin, Politika MAP nafatin katak,  tenki hasa’e produsaun ita nia produtu rai laran, maibé fatór barak tenke halo, tenke investe osan depois hadi’a eskemeralizasaun manual, espera katak irrigasaun Galata ho Lavai bele hadi’a. 

“Tenderizasaun halo ona,  hau hanoin ba futuru atu atinje 131.000 konsumu nasionál ne’e ita bele prienxe hela, mehi mós ba area kultiva boot ne’ebé bee la sufisiente, ohin koalia ho Prezidente ita tenki halo barajen atu nune’e tinan ida bele produz dala rua se lae susar uitoan.” Informa Pedro dos Reis.

Nia dehan, Prezidente Republika nia mensajen maka, prioridade tenke hasae produtividade ita nia rai laran inklui ita nia area potensiál iha 80.000 mil resin, mais ba hare ne’e ita foin dezenvolve 30.000 de’it, entaun presiza investimentu iha MAP.

Entretantu daudaun ne’e MAP halo hela irrigasaun 8 ne’ebe reapropria la’o hela, inklui irrigasaun foun rua Galata ho Laivai, ne’ebé irrigasaun hamutuk 10. Irrigasaun ne’ebe hadia agora daudauk iha Maliana-Dois, Oebaba,  Larisula, iha irigasaun ki’ikoan iha Kasa, Paulara no Halihou.

Print Friendly, PDF & Email

LEAVE A REPLY

Please enter your comment!
Please enter your name here