Home Notisia Adezaun TL Ba OMK, MKAE: TL Hetan Ona Kalendáriu Indikativu Atu Halo...

Adezaun TL Ba OMK, MKAE: TL Hetan Ona Kalendáriu Indikativu Atu Halo Tuir no Kumpre

138
0
, Ministru Koordenadór ba Asuntu Ekonómiku, Joaquim Amaral. [Foto: Santy | 23.11.2021]

Reportajen Santina Lucia da Costa

Ministru Koordenadór ba Asuntu Ekonómiku (MKAE) hamutuk ho ekipa relata  Timor-Leste nia prosesu adezaun ba Organizasaun Mundial Komérsiu (OMK) no serbisu ne’ebé halo ona no ne’ebe sei halo iha tempu tuir mai ba Prezidente Repúblika, Dr. Francisco Guterres Lu Olo.

Hafoin enkontru, Ministru Koordenadór ba Asuntu Ekonómiku (MKAE), nu’udar mos Xefe Negosiadór ba Adezaun Timor-Leste ba OMK, Joaquim Amaral informa katak Timor-Leste nia prosesu adezaun ba iha OMK no serbisu ne’ebé halo ona ho serbisu sira ne’ebé sei halo tan iha tempu tuir mai, tanba Timor-Leste hetan ona kalendáriu indikativu, atu bele halo tuir no kumpre nune’e tempu sira ne’ebé Sekretariadu OMK fó mai Timor-Leste.

“Serbisu ne’ebé halo ona maka ita submete ona ita nia dokumentus input ba negosiasaun nian kona-ba bens e servisu, ita simu ona input perguntas husi estadus membrus sira, prepara hela formula resposta balun, fó resposta ona.” Hateten Joaquim iha Palasiu Prezidenisal, Nicolau Lobato, Bairu-Pite, 23/11.

Ministru Joaquim hatutan halo serbisu interna hodi identifika ita nia planu lejizlasaun, ne’ebé ita presiza atu halo hodi armoniza, aliña ho regra prosedimentus ne’ebé OMK fó mai ita.

Joaquim dehan Prezidente Republika, Dr. Francisco Guterres Lu Olo,  fó orientasaun katak, adezaun ne’e parte ida husi polítika esterna Timor-Leste ninian, adezaun ba OMK, Asian, entaun orientasaun, suporta husi órgaun soberania sira hanesan, Prezidente Repúblika, Parlamentu Nasionál, nune’e mós sosiedade sivíl, setór privadu hotu tenke hatene pasu sira ne’ebé atu halo, atu lori Timor-Leste integra iha sistema boot OMK nian

Nia konklui katak, Prezidente Repúblika fó ninia suporte, orientasaun, aleinde ita kumpre kalendáriu sira, ita mós identifika situasaun real ne’ebé Timor iha ho sira nia orgaun sira, elementus sira sosiedade, elementu sira ne’ebé relasaun direita ho ekonomia, oinsá bele tau matan nivel enkontru sira ho Ministerial sira ne’ebé involve, liuliu Ministériu sia ne’ebé involve iha prosesu adezaun.

Print Friendly, PDF & Email

LEAVE A REPLY

Please enter your comment!
Please enter your name here