Reportajen Calisto dos santos Oqui no Francisco Colo
United Nation (UN) liu husi programa Inisiativa Spotlight hamutuk ho sosiedade civil hanesan Rede feto, APFTL, KSTL, SEII, BELUN, FOKUPERS, no AJAR halibur malu hodi fahe konesimentu kona ba violensia kontra feto no labarik feto iha Timor-Leste, hodi nune’e kombate violensia hasoru feto no labarik feto.
Koordenadór UN House, Roy Trivedy hateten aprezentasaun balu liu husi sosiadade sivil husi spotlight ne’e prioridade atu suporta sosiedade sivil, tamba sira iha papel importante xave ou sentral, atu responde violensia kontra labarik feto, parseirus sira sosiadade sivil no alende grupu religiaun sira.
“ita tenke fahe esperensia durante tinan 2, iha programa spotligh ate agora tinan 2 ona maibe primeira ves ami fahe esperensia no imi iha oportunidade ida ne relevansia ho Timor leste atu elimina violensia domestiku ba labarik minoridade”. Dehan Roy iha hotel Novu Turizmu bBdau, Kuarta 23/11.
Iha fatin hanesan reprezentante sosiedade sivíl, Juliana Ximenes dehan fahe esperensia iha grupu ne’ebe mak asiste spotlight, iha grupu husi tinan 2 liuba, tama iha grupu referensia mós fó hanoin, no lori kolega sira nia lian husi sosiadade sivil hetan konsiderasaun maka’as.
“Ate agora ho ami nia komitmentu halo ami nia papel halo monitorizasaun ba tempu ba iha parseiru implementador, ne’ebé iha munisipiu 3 mak hanesan Dili, Viqueque, Ermera no Bobonaro. Ami mós fó ami nia feedback no fo sujestaun liu husi ekipa,” nia dehan.
Alende ida ne’e mós partisipa iha Rede Grupu Referensia Nivel Rejionál no globál, fahe mós espérensia ba maluk sira ne’ebé mak mai husi nasaun seluk liliu nasaun pasifiku .
“Inisiativa husi spotlight ida ne’e hanoin boot husi união Europea no mós ekipa husi ONU ne’ebé mak involve sosiadade sivil barak iha Timor-Leste, no ita mak sai kampeon no mudança atu haforça,” nia konklui
