Home Notisia Xefe Estadu Husu CNE, STAE no PNTL hatudu Profisionalizmu Iha Eleisaun...

Xefe Estadu Husu CNE, STAE no PNTL hatudu Profisionalizmu Iha Eleisaun Parlamentár

682
0
Prezidente Republika, Dr. Jose Ramos Horta. [Foto: Media PR | 28.03.2023]

Reportajen David da Costa

Prezidente da Republika (PR. Dr. José Ramos-Horta husu ba Komisaun Nasionál Elisaun (CNE), Sekretariadu Tékniku Administrasaun Eleitorál (STAE) no Polisia Nasional Timor-Leste (PNTL), hodi hatudu sira nia profisionalizmu iha eleisaun Parlamentár tinan ne’e.

“Órgaun Eleitorál sira CNE, STAE no PNTL tenke hatudu profisionalizmu 100%,” dehan Prezidente Republika (PR) José Ramos-Horta, ba  jornalista sira, bainhira partesipa iha  serimónia aniversáriu PNTL nian ba dala 23 iha edifisiu komandu UEP, Pairo-Pite, Segunda, 27/03.

Nia haktuir, tanba tempu ida mai ne’e tempu eleisaun la’o daudaun, polísia tenke tau matan, atu nune’e garante seguransa didi’ak ho imparsialidade. No mós espera katak STAE mós kolabora nune’e la’o di’ak, tanba kuandu STAE ema deskonfia STAE nia neutralidade ladi’ak karik ne’e komesa partidu sira tensaun bo’ot.

Nune’e mós xefe estadu espera katak partidu sira mós kolabor, atu nune’e eleisaun ne’e la’o di’ak.

Iha fatin hanesan Komandante Jerál Polisia Nasionál Timor-Leste (PNTL), Henrique da Costa hateten, iha tinan ida ne’e tinan polítika nian no sei hasoru eleisaun parlamentar no soku nian, tanba ne’e PNTL nia envolvimentu aas, no PNTL nia kompromisu hodi mantein pás no estabilidade iha eleisaun ida ne’ebé demokrátiku

“Ita sei mantein imparsialidade no independentemente durante iha tempu politika hodi hala’o servisu polisia nian ne’ebé profesionál no hodi hametin demokrasia, sustenta ba dezenvolvimentu nasionál no hametin prosperiedade. Ita dezempeñamentu funsaun , tenke iha meus neutrál no imparsial hodi asegura partisipasaun sidadaun sira nian lha festa demokrasia ne’ebé sei hala’o ho livre , laho interferensia no importante liu maka iha ambiente ida ne’ebé seguru,” dehan Komijer PNTL.

Nune’e mós Prezidente Komisaun Nasionál Eleisaun (CNE), José Agostinho da Costa Belo, hateten, la’os Prezidente da Republika (PR) José Ramos-Horta deit maka hakarak Komisaun Nasionál Eleisaun (CNE), Sekretariadu Téniku  Administrasaun Elitorál (STAE) maka tenke Imparsialidade maibé ema hotu no sidadaun internasional sira hakarak CNE ho STAE tenke servisu ho Profisionál iha elisaun parlamentar tuirr lei ne’ebé maka iha

“La’os Prezidente deit maibé Ita nia sidadaun nasionál internasionál hakarak STAE ho CNE tenke servisu  profesionál, no servisu   tuir Lei ne’ebe iha , nune’e Timoroan hotu bele sente  kata elisaun ida ne’e ba Timoroan hotu.   Partidu sira ne’ebé ita hotu nian, ita bele serve ho diak nune’e sira bele ezerse  kampaiña ho diak,” dehan prezidente CNE ohin, bainhira hasoru PR josé Ramos-Horta iha Palásiu Prezidente.

Print Friendly, PDF & Email

LEAVE A REPLY

Please enter your comment!
Please enter your name here