Reportajen David da Costa
Atu garante ba pás no estabilidade iha eleisaun parlamentár tinan ida ne’e, Komisaun Nasionnál Eleisaun (CNE) sei organiza konferénsia nasionál iha loron 12 Abril, hodi konvida ema ne’ebé iha kapasidade, hodi ko’alia kona-ba pás no estabilidade ligadu ho fraternidade umana.
Prezidente Komisaun Nasionnál Eleisaun (CNE), José Agostinho da Costa Belo, hateten, ohin mai hato’o hela servisu CNE nian ne’ebé mak durante ne’e halo, oinsá CNE nia supervizaun iha rai li’ur liu-liu kona-ba sira nia rejistu ba sidadaun sira.
Nune’e, hato’o mós ba Prezidente Repúblika José Ramos-Horta katak kampania fulan oin sei komesa, atu garantia katak eleisaun la’o diak, kampaiña la’o diak Tanba ne’e mak parte CNE nian oras ne’e dadaun prepara hela sei iha konferénsia nasionál sei komvida partisipante sira husi sosiedade hotu intelektuaá ho parte sira ne’ebé importante iha rai ida ne’e.
“Konferénsia ne’e objetivu oinsá komvida ema sira ne’ebé iha kapasidade sai ezemplu hodi ko’alia kona-ba pás, estabilidade ligadu ho fraternidade umana,” dehan Prezidente CNE ba jornalista Sira bainhira hasoru malu ho Prezidente Republika José Ramos-Horta iha Palásiu Prezidensiál Bairo-Pite, segunda 27/03.
Antes ne’e mós CNE halo atividade ida hodi vista Eminesia Cardeal hato’o mós oinsá kontribuisaun ba eleisaun pás, estabilidade apoiu husi parte Igreja ninian. Hato’o mós ba Reprezentante Santa Sé iha Timor Leste, la’ós de’it ida ne’e, maiibé CNE mós hasoru komunidade musulmanu, hotu-hotu hanoin ida de’it sei fó orasaun.
Nia esplika iha konferénsia nasionál ne’e Prezidente Repúblika mós sei partisipa. konferénsia nasionál ida ne’e sei hala’o iha loron 12 fulan Abríl. “Tanba kampaiña sei iha loron 18 maibé antes ne’e ita halo uluk konferénsia lai, konferénsia ida, atu nune’e hotu-hotu bele ko’alia kona-ba futuru nasaun nia diak, bolu malu hanesan familia, maun alin tenki konkretiza iha eleisaun ne’ebé pasífika”.
