Home Feature Arte Mundu Ida Ne’ebe La Mate, Salvador: Pinta Mak Hau nian Moris

Arte Mundu Ida Ne’ebe La Mate, Salvador: Pinta Mak Hau nian Moris

533
0
Salvador do Rosario pintora iha Arte Moris. [Foto: Adalgisa Pereira | 03.02.2020]

Kontributor Adalgisa Pereira

Arte nungka   mate, arte sempre moris iha ita leet, liu hosi imajinasaun no kreatividade, ema ida ekpresa sira nia abilidade.

Salvador do Rosario, foinsa’e Timor ida ne’ebe mak oferese nia moris iha mundu arte nian, Salvador hatudu nia ekspresaun liu hosi pinta. Salvador ho idade 31, oan hoi Jacinto do Rosaior no Esperansa Soares, mai hosi municipio Baucau, postu administrativu Laga, konsege sai pintor tanba aprende iha Arte Moris.

Salvador la remata nia eskola to’o iha nivel as, maibe Salvador iha duni talentu ne’ebe mak murak, nia hatudu nia antusiasmu hodi aprende liutan liu hosi arte. Talentu ne’ebe mak nia iha, iha kedas bainhira nia sei idade kiik.

Jornalista hahu dadalia ho nia iha Arte Moris konaba talentu ne’ebe mak daet ona iha Salvador nia moris, ba jornalista Salvdor ne’ebe la remata nia eskola hahu tenik nia istoria.

“Hau eskola primaria kedas, hau gosta pinta dezeñu iha kadernu, maibe hau nia estudu iha primaria la remata, maibe hau gosta pinta no hau hakrak aprende liu tan arte mak ida saida”, tenik Salvador

Iha momentu ida Salvador tuir nia kolega mai halimar iha cidade Dili, hare joven sira pinta moru Salvador  komesa monu no sempre haree sira pinta no dala raruma to’o kalan, hosi ne’e nia hanoin hakarak atu aprende .

Liu husi ida ne’e Salvador komesa konnese kolega husi Arte Moris ida husi Lospalos, nia lao hamutuk ba Arte Moris no nia aprende uluk kona ba musika, no nia haree ema pint, Salvador hakarak koko aprende pinta.

“Hau iha interese atu aprende maibé iha 2011 ha’u aprende uluk musika no haree kolega sira pinta ha’u mos registu hotu ,maibé selu $5.00, hodi nune ita hetan material pinta nian no sertifikadu.  Hau aprende pinta la to’o fulan rua ka tolu nia laran hau para fali, tanba kestaun tempu no hau hela iha uma mak mai aprende iha Arte Moris”, tenik Salvador

Inisiativa ne’ebe mak Salvador iha hakarak aprende liu tan arte mak saida? Arte konsege lori Salvador realiza duni nia mehi no koñese duni mundu arte. Ho orgulhu ba jornalista Salvador hateten laos pinta deit mak nia aprende, maibe nia mos bele esculpir [memahat. Red] tanba atu halo pintura no saida deit importante ideas ne’e tenke iha

“Bainhira ita atu pinta  pintura ida, ita iha ideias ida hodi nunee pinta iha kanfas. Ba hau pinta ne’e mak ha’u nia moris”, Salvador koalia ho hamnasa.

Salvador ho abildiade ne’ebe iha, konsege faan fali sira nia produtu no ekipamentu sira ne’ebe mak uza iha Arte Moris

“Pintura ne’ebe mak ami halo ne’e faan, osan ne’e ami sei fahe, ami hetan 50% hodi uza ba ami nia presiza no balun fo ba familia no komunidade iha Arte Moris hetan 50% no osan ne’e sei hola ba hahan hodi han no mós hola fali ba material sira ne’e, tanba ami hela iha Arte Moris ne’e la selu”, tenik Salvador hodi taka dadalia ne’ee nakonu ho motivasaun

Nudar joven lalika baruk atu aprende, lalika moe atu hakat, hatudu o nia an ba mundu, tanba joven mak sei naroman ba nasaun nian futuru. Abilidade joven nian mak sei halo mundu ne’e nakonu ho arte

*[Adalgisa P, hakerek nain nudar estudante UNTL ne’ebe tuir jurnalismu klinika, Kooperasaun entre UNTL-UNESCO. Rezultadu hosi kursu ne’e, mentor publika nian artigu iha Neon Metin]

LEAVE A REPLY

Please enter your comment!
Please enter your name here