Home Notisia Bankada 3 Konsidera Angela Halo Asaun Subversivo, Angela: Labele Politiza Situasaun

Bankada 3 Konsidera Angela Halo Asaun Subversivo, Angela: Labele Politiza Situasaun

1033
0
Imajen karuk Bankada PLP, FRETILIN no KHUTNO. Imajen liman los Portavoz Angela Freitas. [Foto: Francisco JDA | 01.09.2020]

Reportazen Francisco JDA

Relasiona ho deklarasaun ne’ebe fo sai hosi Rezistensia Nasional Defende Justise no Konstituisaun RDTL (RNDJK-DTL), ne’ebe husu Presidente Republika,  Dr. Francisco Guterres Lu-Olo hodi tun husik nia kargu nudar Prezidente Republika no sei mobiliza mos massa hosi municipiu hotu tun ba Dili, hodi obriga ka hatun Presidente Republika.

Hafoin bankada governu liu hosi Partidu tolu Fretilin, PLP no KHUNTO liu hosi konferensia imprensa haktuir katak kestaun seriu no estadu tomak tenke hola pozisaun no medida forte hasoru ema sira ne’ebe hakarak hakiak hahalok subversivu hasoru estadu, ne’ebe liu ema rihun atus rua mak lakon sira nia vida, hodi harii nasaun ida ne’e.

Prezidente Bankada FRETILIN, Francisco Branco hateten se sira defende Konstituisaun, bele hatudu Konstituisaun ne’ebe mak bele uza forsa, hodi hatun Prezidente Republika

“Labele haluha Presidente Republika simu liu hosi estadu  no nia komandante supremu das forsas armadas, ida ne’e nasaun demokratiku, ita nia konstituisaun fo espasu ba livre espresaun maibe laos tuir dokumentu ne’ebe sira fo sai, atu obriga ho forsa no kilat”, hateten Francisco Branco iha salaun Bankada FRETILIN, 01/09

Liu hosi konferensia impresa bankada tolu ne’e hateten deklarasaun ne’ebe RNDJK-RDTL sei mobiliza mos forsa no polisia sira ne’ebe hola parte ona grupu movimentu nasional, ne’ebe lideradu hosi komandante no ofisial sira, sei utuliza arma ne’ebe obriga Presidente tun hosi nia kargu.

Hafoin ne’e, jornalista sira halo konfirmasaun ho portavoz RNDJK-RDTL, Angela Freitas katak sei mobiliza forsa no polisia balun atu halao manifestasaun iha loron 4 Septembru? Ba jornalista sira Angela desmente ho informasaun ne’e.

“Ami sidadaun ida hanusa mak ami lori fali forsa ami la iha kilat, ami nia liman mamuk labele politiza situasaun ne’e. Ohin loron ne’e ami lao ami nia asaun, enkontru mos ami la iha problema, ami seidauk kria situasaun ne’ebe barala ema seluk nia liberdade, ami iha ne’e espresa tuir situasaun ne’ebe ami hare atu hadia no partisipa naksalak sira ne’ebe iha ita nia rain”, hateten Angela Freitas iha Salaun Bairo Grilhos

Print Friendly, PDF & Email

LEAVE A REPLY

Please enter your comment!
Please enter your name here