Home Meio Ambiente Grupu Konservasaun Batar Iha Lore Nian Ne’e Produsaun Batar Tun, Tanba Udan...

Grupu Konservasaun Batar Iha Lore Nian Ne’e Produsaun Batar Tun, Tanba Udan Been Mai La Tuir Tempu

1345
0
Produsaun batar iha posto administrativu Lore tinan ida nee tun. [Foto: Juvinal | 13.06.2024]

Reportajen Juvinal Cabral dos Santos

Grupo konservasaun kuda batar iha postu administrativu Lore, munisipiu Lautem sente triste bainhira udan mai la tuir tempu, nune fo impaktu ba sira nia produsaun batar.

“Ami kompara tinan sira seluk nia rejultadu diak maibe tinan ida ne’e ami sente triste tebes tanba udan mos la mai tuir nia tempu no ular lakataro mos mai estraga ami nia batar to ikus rejultadu laiha los.” Dehan komunidade Jelia Fernandes  ba jornalista sira iha nia servisu fatin Postu administrativu Lore Munisipiu Lautem 31/05/2024

Komunidade, Jelia Fernandes, hatete,  hakarak inklina an iha grupo konservasaun kuda batar iha objectivu tolu nee mak sira hakarak inklina an hodi kuda batar, primeiru sira kuda batar nee lalika fila rai no sira tenke kuda mos ho fore rai atu fo buras ba batar ida nee mak durante nee sira halo hodi inklina an iha grupo nee.

“Ami nia grupu hahu moris iha 2012 ami nain 13 mak hamutuk hahu kuda batar iha tos hektares (4) haat nia rejultadu diak los no batar nee ami koileta to bidon 10 ba leten tanba udan mai tuir nia tempo ami mos sente kontente tanba ami nia kolen nia rejultadu neebe diak tebes mai ami.”

Jelia esplika Wainhira  sira nia batar nia rejultadu neebe iha sira han sira fo han manu no wainhira ema hakarak sosa sira faan ba ema no sira nia osan hodi hare ba nia oan sira nia eskola nomos uza ba sira nia nesesidade báziku uma laran nian.

“ami sempre kuda batar kada tinan tuir udan nia tempo mai 2022 ate 2023 batar ami kuda nia rejultadu ladiak tanba kauza hosi mudansa Klimatika udan monu rai la tuir nia tempo ona tanba kada tinan ami nia udan monu rai iha fulan Novembru nia laran maibe udan mai iha fulan marsu no maio ami sente udan la tuir ona nia tempo ho nunee batar nia rejultadu ladiak ona hanesan tinan kotuk sira liu ba.”

Tinan 2024 udan monu rai tuir nia tempu ho nunee sira hahu kuda batar ona maibe nufim iha fulan dezemvru udan hahu para ona sira hanesan  tos naiin sente triste tanba udan la mai sira mos lahatene  nia kauza nee mai husi saida, mai iha fulan marsu mak foin udan fali entaun batar balun mate balun neebe moris konsege fo isin maibe nia rejultadu ituan deit lahanèsan tinan sira seluk sira sente triste tebes maibe situasun mak hanesan nee ona sira labele halo buat ida.

“Iha tinan 2024 ami kuda batar maibe ular lakataru mai estraga deit tanba udan la mai kompara ho tinan uluk sira seluk wainhira udan mai tuir nia tempo ular lakataro mos mate maibe wainhira udan para fulan ida hanesan ular lakataro hahu moris no estraga ami nia batar tahan too mate no nia rejultadu laiha liu.”

Ular lakatoro estraga sira nia batar sira sente triste tebes tanba sira nia kolen laiha rejultadu neebe sira hakarak ho nunee sira ba husu Autoridade lokal no organizasaun Non Governamental (NGO) FAO mai hare ho matan maibe to agora seidauk lori aimoruk ruma hodi mai rega ou hamate ular lakataru sira nee to sira nia batar mate hotu.

“NGO FÀO mai hanorin ami ba hili ou raut ai tahan maran neebe monu iha ailaran nomos dut maran sira hodi nahe iha ami nia tos tomak mak ami hein wainhira udan monu rai mak ami hahu kuda batar to udan la monu rai mos dalaruma batar bele moris tanba nia hun sei bokon hela mak udan mai sei fo netik nia rejultadu ituan no ami iha nee wainhira laloran boot no anin boot iha fulan Abril Maio nee mos aihoris sira nia tahan namlaek hotu tanba anin tasi meer liu.”

Iha sorin seluk Xefe Suku Lore 1, Abilio Amaral afirma, maske komunidade agrikultor atu hasae ninia produsaun as iha tempu Mudansa Klimatika, Maibe ular Lakataru mak estraga total tanba udan mai la tuir nia tempo no udan wainhira mai tuir nia tempo mak ulara lakataro mate hotu maibe udan mai tiha para fila-fali to fulan ida ka rua mak mai fali lakataro han hotu komunidade sira nia batar.

Xefe Suku Lore 1, Abilio Amaral. [Foto: Juvinal | 13.06.2024]

“Ita hatoo ona ba ministeriu agrikultura hodi husu apoiu konaba aimoruk lakataro ninin, maibe realidade iha ministeriu la prepara aimoruk sira ne’e, ne’ebe iha tinan kotuk husi NGO FAO Mai halo promosaun, liu-liu atu halo aimoruk hodi hamate ular lakataro husi produtu lokak sira hanesan tobu hadi rega ba lakataro sira neebe fo afeita ba iha ita nia komunidade  nia batar sira, Maibe material sira nee mak ita buka  susar tebes. Nebe Sira para produsaun aimoruk uja produtu lokak ate agora.”

Informasaun ne’e jornalista sira rekolla liu husi atividade media tour ne’ebé  organiza husi Asosiasaun Jornalista Timor Lorosa’e (AJTL) servisu hamutuk ho Oxfam iha Timor-Lest, no hetan funudus husi Oxfam Hongkong,hodi halo atividade media tour kona ba justisa klimatika ha Postu administrativu Lore munisipiu Lautem.

Print Friendly, PDF & Email

LEAVE A REPLY

Please enter your comment!
Please enter your name here