Reportajen Cresência de Castro
Ministeriu do Dezenvolvimentu Rural e Habitação Comunitária,(MDRHC) ho Diresaun Jeral do Dezenvolvimentu Rural (DGDR) organiza formasaun ba funsionáriu sira, ne’ebe foka ba knaar sira bainhira halo serbisu iha nivel rural.
Diretór Jeral, Filipe Carlos Vieira hateten formasaun ida ne’e atu hasae koñesimentu ba funsionáriu sira, atu bele hatene sira nia knaar wainhira hahu implementa programa ba iha nivel rural.
“Planu asaun anual iha orsamentu estadu 2024, konsidera programa revitalizasaun komunitaria ne’ebe sei introduz diretamente ba iha nivel rural, Ministériu hahu kontratu ona forsa traballu no kontratadu atu hahu fasilita hela fo formasaun, ne’ebe definidu ona iha planu asaun no orsamentu 2024 ninian” hateten Filipe Carlos Vieira iha Timor Lod
Iha fatin hanesan Ministru do Desenvolvimento Rural e Habitação Comunitária,(MDRHC) Eng. Mariano ASSANAMI Sabino hateten aldeia sai fatin ne’ebe maka mal nutrisaun aas, sei iha kiak, la iha fatin servisu tanba ne’e maka ema ba fali sidade ou ba rai liur. Nune’e alvu prinsipál oinsa maka bele hamenus kiak, bele redús mal nutrisaun, bele identifika aldeia ne’e atu sai produtivu, nune joven sira ne’ebe prepara ona bele sai inovativu, kreativu atu bele servisu hamutuk iha aldeia rurais sira” dehan nia
