Home Notisia Komandante Jeral PNTL Aprezenta Situasaun Seguransa Rai Laran Ba PR

Komandante Jeral PNTL Aprezenta Situasaun Seguransa Rai Laran Ba PR

227
0
Komandante Jeral Polisia Nasional Timor-Leste [PNTL], Comissario Faustino da Costa. [Foto: Santina Lucia da Costa | 13.02.2020]

Reportazen Santina Lucia da Costa

Komandante Jeral Polisia Nasional Timor-Leste [PNTL], Comissario Faustino da Costa hasoru malu ho Prezidente da Republika Dr. Francisco Guterres Lu Olo, hodi informa situasaun atual iha teritoriu tomak.

Hafoin remata enkontru ba jornalista sira Komisariu Faustino hateten normalmente PNTL aprezenta situasaun atual iha nivel teritoriu tomak ne’ebe to’o ohin loron lao diak no hakmate.

Makes nune’e Komisariu Faustino rekonnese katak iha akontesimentu kiikoan balun hanesan iha Tekinaumata Laga, Letefoho, kazu asidente joven na’in rua mate iha Hera, hirak ne’e mak aprezenta ba Prezidente da Republika.

Komisário Faustino da Costa hateten parte asidente nian iha fulan Janeiru to’o mai agora asidente hamutuk ema na’in lima, situasaun sira ne’e mai husi fatór ema.

Iha kazu seluk ne’ebe PNTL inform aba Prezidente da Republika mak konaba kareta no motor sira ne’ebé fa’an arbiru iha estrada ibun, hanesan iha Lecidere to’o iha Tasi-Tolu, sira ne’e mós kontribui hotu ba asidente no laiha kontrol husi estadu no governu.

“Laos buat ida ne’ebé foin koalia, antes ne’e ami koalia ba parte diresaun relevantes, tanba fatór ida ne’e kontribui ba asidentes, depois aleinde ida ne’e  estadu no governu lakon, tanba tuir lolos sasan sira ne’e faan iha nia fatin ida, para bele iha taxa ka impostu ba governu, ema pesoal ida-idak, haree ba fatin publiku fa’an nia kareta ho motor, la iha kontrola ida husi estadu no govenu”, esplika Faustino da Costa, 13/02.

Faustino mos informa ba jornalista tomak katak Prezidente da Republika sei hato’o mós ba governu, liu-liu kuandu enkontru formais ho Primeiru Ministru, tenke haree tanba ita lakon kontrolu. Fa’an sasan ne’e mós laiha lisensa propriu ruma, ba negosiu sira fa’an iha kintu-kantu sira ne’e.

 

LEAVE A REPLY

Please enter your comment!
Please enter your name here