Home Notisia FOKUPERS Organiza Treinamentu Edukasaun Kompresivu Seksualidade Ba Manorin-na’in 27

FOKUPERS Organiza Treinamentu Edukasaun Kompresivu Seksualidade Ba Manorin-na’in 27

3156
0
Manorin sira partisipa treinamentu iha FOKUPERS. [Foto: David | 26.062023]

Reportajen David da Costa

Organizasaun Forum Komunikasaun Feto Timor-Leste (FOKUPERS) fó treinamentu kona-ba Edukasaun Kompresivu Seksualidade “Siklu Feto ho Mane” ba Manorin-na’in 27 husi Munisipiu tolu maka hanesan Munsipiu Bobonaro, Ermere no Viqueque.

Diretora Ezekutivu Forum Komunikasaun Feto Timor-Leste (FOKUPERS), Maria Fatima Pereira Guterres, hateten, Treinamentu ida ne’e fokus liu ba iha edukasaun sexual ne’ebé komprensivu “Siklu Feto ho Mane” atividade ne’e kuaze la’o ona iha tinan haat ka Lima ona hamutuk ho UNFPA, agora ne’e kontinuasaun ne’ebé Fokupers hala’o hela iha nivel eskola sira iha baze, no Fokupers nian fasílitadór sira halo hela aktividade treinamentu ne’e iha eskola sira iha baze, maibé nian espeses la hanesan treinamentu nian, maibé  modelu hanesan aprendesajen ne’ebé fasílitadór sira tama direta ba kada  aula iha 45 minitu, hodi halo aprezentasaun ba  materia  ne’e ba estudante sira.

“Entaun ita hanoin treinamentu edukasaun kompresivu seksualidade “siklu feto ho mane” ida ne’e importante tebes ba Manorin-na’in sira, bainhira sira hatene di’ak-di’ak ona no komprede ka rona ona konteudu ida ne’e, sira mós bele tulun ona ita nian estudante sira ne’ebé karik hetan problema oin- oin iha eskola sira bele ajuda,” dehan Diretora Ezekutivu Fokupers, Maria Fatima Pereira Guterres, ba jornalista sira iha edifisiu Fokupers Farol, segunda 26/06.

Nune’e mós treinamentu ida ne’e hanesan espasu diskusaun ida oinsá fokupers halo diskuite kelan liu tan entre Manorin-na’in/a sira ho mós fasílitadór sira, karik iha mekanismun nomós iha posblidade ne’ebé di’ak liu tan ba oin atu bele kria matadalan ruma, se karik kazu ruma akontese iha eskola.  Projeitu ida ne’e, sai hanesan pilotazen ba iha Munisipiu tolu hanesan Ermera, Bobonaro no Viqueque, atu bele haree di’ak -di’ak modulu husi konteudu Siklu Feto ho Mane ne’e iha.

Iha fatin hanesan Manorin-na’in Gabriel Ximenes Castro husi Eskola Tekniku Vokasional Ermera, hateten, Treinamentu ida ne’e importante tebes ba iha Manorin-na’in sira, atu bele hatene kona-ba oinsá maka atu bele asegura estudante sira bainhira hetan violasaun ruma husi Manorin-na’in ka ema ruma iha eskola.

“Treinamentu ida ne’e di’ak tebes ba ami nu’udar mestre, tanba durante ne’e hanorin hela, maibé menus ba informasaun sira hanesan ne’e, oinsá ami atu tulun ami nia estudante sira, liuliu ba violasaun nian, atu nune’e asegura ami nia estudante no ba oin ne’e estudante bele aprende ho di’ak,” dehan Manorin-na’in Gabriel Ximenes.

Entertantu iha treinamentu ida ne’e Fokupers hetan apoiu osan husi Fundo das Nações Para a População (UNFPA) ho montante $100 mill, no partesipasaun mai husi Munisipiu Ermera, Bobonaro no Viqueque ho total ema na’in 27.

Print Friendly, PDF & Email

LEAVE A REPLY

Please enter your comment!
Please enter your name here