Reportajen David da Costa
Iha Fulan Janeiru to’o Maiu 2023, Organizasaun Forum Komunikasaun Feto Timor-Leste (FOKUPERS), rejistu kazu Violénsia hamutuk 124, no husi kazu hirak ne’e iha Violénsia Seksual Hasoru Labarik ne’e 7, abuzu seksual ba labarik iha 13 no Insestu ba labarik iha kazu 2.
Tuir dados husi Fokupers ne’ebé maka Neon Metin Asesu ohin Segunda 26 fulan Juñu 2023, Fokupers rejistu kazu Violénsia oioin, hahú husi fulan Janeiru too Maiu tinan 2023, rejistu kazu hamutuk 124. Violénsia Fiziku hamutuk 61. Husi total kazu 124 ne’e iha Tipu kazu oioin hanesan, Violénsia Fiziku numeru aas liu hamutuk 61, Violénsia fiziku ba Labarik iha kazu 3, violensia fizika ba adultu 58, Abandona husi Laen kazu 25, abandona husi namoradu iha kazu 3, Violénsia Seksual ba ema bo’ot iha kazu 5, Kazu Violénsia Seksual hasoru labarik iha kazu 7, abuzu seksual ba labarik iha 13, Insestu ba labarik iha 2, Violénsia Publiku ka la’os Violénsia Doméstika, agresivu hasoru labarik iha 2.
No kazu Violénsia publiku ka la’os Violénsia Doméstika, agresivu fiziku ba ema boot iha 2, tentativa violénsia seksual 3, violensia psikolojia 1.
Nune’e mós, husi kazu hirak iha leten nee, kliente ne’ebé mai mesak hamutuk 14, refere hosi Vitima ka Sobrevivente hamutuk 1, refere hosi Familia kliente iha 7, refere husi Polisia Unidade Pessoal Vulneraveis (VPU), Komunidade Eskuadra Polisia, ho Polisia Servisu Investigasaun Kriminal (PSIK) iha 22, PRADET iha 34, Programa Monitorizasaun Sistema Judisial (JSMP) iha 2, Asistensia Legal ba Feto no Labarik (ALFeLa) iha 29, No husi Ministeriu Solidariedade Sosial no Inkluzaun (MSSI) iha 3, Rede Referal sira hanesan, Uma Paz Baucau 1, Uma Mahon Salele 1, CCD iha 1, UNTL iha 1, Viziñus iha 1, Kedutaan Besar Republik Indonesia (KBRI) iha 2, Refere husi kolega iha 1, AJAR iha 1 no Rede Feto iha 3.
Entretantu kazu hirak ne’ebé iha ona Polisia hamutuk 37, iha Ministeriu Publiku hamutuk 43, iha Defensor Publiku hamutuk 6, iha Tribunal hamutuk 11, konsultasaun trata dokumentus hamutuk 14, Rezolve tuir familia mediasaun (Kazu Sivil) hamutuk 4, Vitima lakohi prosesa nia kazu, laiha informasaun hamutuk 6, no Husu ba prosesu ka Kazu seidauk rejistu ba Polisia, Ministeriu Publiku no Defensor publiku hamutuk 3.
