Reportajen David da Costa
Kada Tinan tolu, Governu Nova Zelândia liuhusi nian Embaixadór iha Timor-Leste, apoiu ona fundus $ 45 Mill ba Governu Timor-Leste. No Governu Nova Zelândia sei kontinua suporta Timor-Leste iha area Edukasaun, no fó bolsu estudu ba Timoroan sira, diversifikasaun ekonomika iha Agrikultura, Turismu no mós seguransa nian.
Embaixadór Nova Zelândia iha Timor-Leste, Philip Hewitt, hateten, ohin loron mai enkontru ho Primeiru Ministreu (PM) Kay Rala Xanana Gusmão, hodi ko’alia kona-ba relasaun bilateral entre nasaun Nova Zelândia ho Timor-Leste nian. Nomós apoiu Governu Nova Zelândia nia ba iha nasaun Timor-Leste.
“Ami ko’alia kona-ba ami nia parseriu no apoiu husi Nova Zelândia nian. no Nova Zelândia suporta Timor-Leste iha Edukasaun, elezivel educations, no eskolarship, no ami mos suporta iha diversifikasaun ekonomika iha Agrikultura, ami suporta CICT ho Kate, Vanilla, fuimenta no Cacao. No ami mós suporta iha autoridade seguransa ba iha komunidade no Tursimu nian,” dehan Embaixadór Nova Zelândia iha Timor-Leste, Philip Hewitt, ba jornalista sira iha Palásiu Governu, Tersa 3/10.
Nia hakruir, ohin rai rua ne’e konkorda katak, Nova Zelândia sei alina ba prioridade Timor-Leste nian. No Primeiru Ministreu Kay Rala Xanana Gusmão ko’alia kona-ba prioridade Governu, ho ida ne’e Nova Zelândia sei halo kordensaun ho Ministeriu sira. No kada tinan tolu Governu Nova Zelândia sempre suporta fundus ba iha Timor-Leste.
“Kada tinan tolu ami suporta mais ou menus $ 45 mill ba Timor-Leste,” nia esplika.
Alende ne’e mos, nia ko’alia kona-ba fó bolsu estudu ba Timoroan sira. No Durante ne’e, Governu Nova Zelândia fó ona bolsu estudu ba Timoroan hamutuk 1,300. no Governu Nova Zelândia, iha postu tan, tinan pin sei kontinua fó bolsu estudu ba Timoroan sira ba ema nain 12.