Home Saude 11 Maiu, MS Kontinua Rejista kazu Dengue Foun 12, Kazu Akumulativu 4,733...

11 Maiu, MS Kontinua Rejista kazu Dengue Foun 12, Kazu Akumulativu 4,733 no Obitos 54

85
0
Ilustrasaun susuk Dengue. [Foto: Google | 22.01.2022]

Reportajen David da Costa Gusmao

Tuir dadus ne’ebe relata hosi Diresaun Nasionál Saúde Publika (DNSP) no Departamento Vijilansia Epidemiolojia Ministeriu Saúde (MS) nian,  ne’ebe neon metin asesu, ohin Ministru Saúde  rejista kazu dengue foun na’in 12 no kazu akumulativu dengue hamutuk 4,733 no labraik mate ba dengue hamutuk ema na’in 54.

“Situasaun kazu dengue iha Timor-Leste, ohin loron MS  rejista kazu dengue foun 12 no husi total  kazus ne’ebe relata iha loron ohin mai husi Municipio Dili no Manufahi , kazu dengue akumulativu  hamutuk 4,733 no totál obitos na’in 54,” dehan iha komunikadu Imprensa ne’ebe neon metin asesu iha loron segunda, 11/05.

Maioria kazu dengue ne’ebe deteta ne’e hosi Municipio Dili ho total 3262, tuir tan maka Baucau ho kazu 306, Manufahi kazu 184, Manatuto ho kazu 173, Lautem ho kazu 155, Covalima ho kazu 146, Ermera ho kazu 118, Liquica kazu 118, Municipio Aileu ho kazu 85, Viqueque 79, Bobonaro ho kazu 56, Ainaro ho kazu 45, no RAEOA ho kazu 6.

Iha komunikadu ne’e haktuir em geral kazu Dengue espalha ona iha territorio Timor-Leste laran tomak. Hosi fulan Dezembro 2021 kazu komesa aumenta ho total 225, maibe iha fulan Abril 2021 kompara ho fulan Abril 2022 kazu barak liu ho total 700 kazus.

“Idade mais afetado mak husi idade menus husi 14 anos mai kraik ho grupu idade 5-14 ho 42,1% no idade 1-4 ho  35,2%. Ho ida ne’e Attack Rate (AR) idade 1-14 anos a nivel Nacional ho 0.8%,” tenik iha komunikadu ne’e.

Nune’e iha kazu dengue ne’e Distribuisaun  tuir klasifikasaun dengue nian ho versaun foun tuir matadalan manajementu kazu ne’ebe relata husi munisípiu. Husi dia 10 de Abríl ate presente maka Dengue Leve (DL) ho total 348 kazu, Dengue Moderadu (DM) ho total 120 kazu no Dengue Severa (DS) ho total 37 kazu.

“Kazu obitos iha inicio tinan 2022 ate a data ho total 54 obitos ida ne’e representa Case Fatality Rate nivel nasional ho porsento 1,1%,” iha komunikadu ne’e hateten.

Kazu dengue kontinua sae ba beibeik iha Timor-Leste, ho ida ne’e Ministeriu Saude (MS) apela ba populasaun iha Dili laran no mósiha Munisipiu sira seluk, atu aprezenta-an iha fasilidade públiku saúde (Sentru Saúde ka Ospitál) ne’ebé besik, wainhira  sente isin-manas, ka Senti laran sa’e,liman ain no sikun moras hodi bele hetan atendimentu husi profisionál saúde sira.

Print Friendly, PDF & Email

LEAVE A REPLY

Please enter your comment!
Please enter your name here