Home Notisia MSSI Apoiu Fundus Ba Instituisaun Solidariedade Sosial Inklui Orfantu Santa Teresinha Quelikai

MSSI Apoiu Fundus Ba Instituisaun Solidariedade Sosial Inklui Orfantu Santa Teresinha Quelikai

66
0
MSSI Ho parseiru sira hasai foto hamutuk. [Foto: Silvino | 13.05.2022]

Reportajen Silvino Freitas

Ministra Solidaridade Sosial no Inkluzaun(MSSI) asina akordu kooperasaun ho instituisaun Solidariedade Sosiál hamutuk 29 ho orsamentu $1.000.000 miloens hodi halo atendimento ba apoiu sosiál nian.

Ministra Solidariedade Sosial no Inkluzaun,  Armanda Berta dos Santos hateten apoiu ne’e ba iha uma mahon, FOKUPERS no instituisaun komunitáriu, hodi halo apoiu sosiál ba komunidade tanba ne’e kada tinan governu, sempre prevee osan ba asuntu ida,  kooperasaun ne’e lao kleur ona, laos de’it iha VIII governo mak halo, maibe apoiu ida nee hahu dezde inisiu depois ukun an nee lao ona.

“Tanba governo mesak sei labele halo to’o hotu, maibe konta ho parseiru hirak ne’e sei kobre serbisu sosiál hirak ne’e hotu ba ema ne’ebé presiza, liu-liu ba ema kbiit laek sira, no instituisaun hirak ne’e iha ona nia planu rasik, tuir planu asaun annual nune sira halo serbisu ho kualifikadu tebes, liga ho atendimento sosial hirak ne’e no mos bele garante nia sustentabilidade tuir relatóriu ne’ebé sira submete ba governu” dehan Ministra Armanda iha salaun Kaikoli,(12/05).

Fatin hanesan responsavel orfanatu Lar Santa Teresinha do Menino Jesus Kelikai, Padre Amarianto Adorado hateten, tinan ne’e sira hasoru difikuldade iha orsamentu, tanba iha tinan kotuk governu apoiu osan barak, maibe tinan ne’e tanba difikuldade ho orsamentu ne’ebé governo hasoru,  apoiu de’it ho osan $32.000 resin ba Lar Santa Terezinha do Menino Jesus Kelikai, hodi ajuda ba nesesidade lor-loron orfanatu sira nian, inklui fo formasaun ba orfanatu sira.

“Ami hakarak agradese nafatin ba governu liu hosi MSSI nafatin apoiu osan ba ami, maske tinan ne’e ami hasoru problema ne’ebé boot ba redusaun orsamentu kuaze 30% hosi orsamentu ne’ebé ami husu, haree fila fali ba tinan kotuk apoiu osan ne’ebé boot, maibe tinan ne’e aloka de’it ba iha propriu salariu staff no alimentasaun nian” dehan Padre Amarianto iha salaun MSSI Kaikoli,(12/05).

Nia konklui orsamentu hetan redusaun tanba problema orsamentu ne’ebé ita nia nasaun enfrenta iha tinan ida ne’e, maske ho difikuldade orsamentu ida ne’e maibe sei ajuda tebes orfanatu sira iha Lar Santa Teresinha do Menino Jesus Kelikai, fatin ne’ebé dook ho difikuldade lubuk ida, maibe apoiu ida ne’e ajuda tebes fatin orfanatu iha Kelikai atu fo formasaun integradu ba labarik sira tantu espirituál no umanu nian.

Print Friendly, PDF & Email

LEAVE A REPLY

Please enter your comment!
Please enter your name here