Home EduTek SEJD ho FTM Lansa Internet Saudavel, Formasaun Ba Joven Uza Internet Ho...

SEJD ho FTM Lansa Internet Saudavel, Formasaun Ba Joven Uza Internet Ho Responsabilidade

90
0
SEJD ho FTM hasai foto hamutuk. [Foto: Silvino | 13.05.2022]

Reportajen Silvino Freitas

Sekretáriu Estadu Juventude no Desportu(SEJD) ho Fundasaun Hadomi Timor(FHT) lansa workshop no video ba internet saudavel, hodi ajuda joven sira, uza internet ho responsabilidade no saudavel no fo koñesimentu ne’ebé kle’an ba sira atu uza internet ho responsabilidade no saudavel.

Sekretariu Estadu Juventude no Desportu,  Abrao Saldanha hateten hafoin deskobrimentu ba internet iha sékulu 18 ema hotu, uza internet hodi halo mundu sai globalizadu hodi aprende hosi internet halo negósiu no seluk tan.

“Ita nia vida ohin loron ho internet joven sira dader hader mai ho smartphone lorloron kuaze joven sira nia parseiru di’ak mak telfone ne’e tamba internet iha ne’ebá, internet fasilita ita nia moris ajuda ita mos esplora ita nia potensia hotu, no fo informasaun ne’ebé akontese iha area rural sira antes jornalista sira too internet mak fo uluk informasaun hosi media sosiál sira” dehan Abrao iha salaun magna SEJD Lesidere,(12/05).

Nia dehan internet mos lori mai ita iha risku oioin liga ho cybercrime lori ema ba fatin la diak hanesan asesu ba pornográfiku, iha mos hoax iha internet ne’ebé sirkula lais liu hodi interrompe ema, tanba de’it internet nia prezensa, iha mos bosok ema hodi halo ema lakon riku soin.

“Ho ida ne’e maka SEJD haree katak atu tulun joven sira atu utiliza internet ho responsabilidade no saudavel atu nunee ajuda potensia ne’ebé sira iha bele esplora sira nia koñesimentu hodi aprende liu hosi mundo virtual online, bele mos realiza sira nia potensia promove sira nia an komunidade no nasaun RDTL iha mundu dijital ida ne’e hodi uza internet ho responsabilidade no saudavel” nia dehan.

Fatin hanesan Diretór FHT, Abrao Doutel hateten nu’udar NGO ne’ebé servisu liu ba iha teknolojia dijitál nian, nune iha biban ne’e hetan oportunidade hosi SEJD atu halo formasaun ba internet saudavel nian hodi fahe koñesimentu ne’ebé ami iha ba joven sira nune sira bele iha kbiit hodi utiliza internet ho di’ak.

“Oportunidade ida ne’e hanesan priviléjiu boot ida atu ita kontinua servisu hamutuk ba oin, hodi promove ita nia joven sira hodi bele uza internet ba nesesidade edukativu nian buka informasaun ne’ebé bele ajuda sira hodi sai referénsia diak ba sira, bele mos uza internet ba iha area negósiu online  nian” dehan Abrao iha salaun magna SEJD Lesidere,(12/05).

Nia hateten iha formasaun nee iha konteúdu rua ne’ebé prepara ona iha matadalan ne’ebé prepara ona mak ida iha koñesimentu ne’ebé kle’an ba ita nia joven foin sae sira ho idade 15 to’o 24, hodi iha koñesimentu kle’an ba plataforma ne’ebé fo vantajen ba sira bainhira uza internet no liga mos ba iha ameasa sira ne’ebé hosi internet atu fo koñesimentu ba sira hodi evita ameasa hirak ne’e no evita mos hoax.

Print Friendly, PDF & Email

LEAVE A REPLY

Please enter your comment!
Please enter your name here