Home Notisia CGT-TL: OR La Konsidera Ema ho Defisiénsia nia Direitu, PR Presiza...

CGT-TL: OR La Konsidera Ema ho Defisiénsia nia Direitu, PR Presiza Veta

164
0
CGT-TL iha konferensia imprensa. [Foto: Silvino | 13.05.2022]

Reportajen Silvino Freitas

Koligasaun Sosiedade Sivil Core Group Transparency Timor Leste (CGT-TL) konsidera Orsamentu Retifikativu (OR) ne’ebé governo preve ho montante $1 Biliaun resin la konsidera ema ho difesiensia nia direitu, maske Konstituisaun RDTL artigu 21, fo konsiderasaun ba ema ho defisiénsia iha direitu, no obrigasaun hanesan sidadaun sira seluk, no Timor-Leste mos ratifika ona tratadu international balun hodi promove no proteje direitu ema ho defisiénsia sira.

Tuir Grupu Promotór, Jacinta Freitas hateten Orsamentu Retifikativa (OR) 2022 nafatin la konsidera direitu ema ho defisiénsi hanesan ho orsamentu sira seluk iha pasadu, iha orsamentu retifikativu 2022 ida ne’e, maske mai ho pursentu boot tebes, CGT-TL no Grupo Promotor kontinua hare katak medidas 13 ne’ebe governu tau, sei nafatin dook hosi prinsípiu orsamentu ida ne’ebé responsivel ba ema kiak sira inklui ema ho defisiente sira.

“Preparasaun orsamental ida ne’ebé la inklui ema ho defisiente iha prosesu elaborasaun orsamental iha nivel ezekutivu, kontinua halo planu atu selu de’it tusan hosi komprimisu politiku iha kampanha elisaun prezidensial nian liu ba no mos halo projetu sira ne’ebé la fo fatin ba asesu ema ho defisiente sira hasees tiha direitu ema defisiente sira hosi benefisiu boot orsamentu 2022 no orsamentu retifikativu 2022 ne’e maske defisiente sira hetan ona aumentu ba subsidiu hosi Governu liu hosi Transferénsia Publiku, ne’ebe antes nee montante $30 no agora sae ba $50 ne’ebé defisiensia sira hetan maibe ne’e la sufisiente ba sira atu hetan moris ida ne’ebé dignu” lamenta Jacinta liu hosi komunikadu imprensa iha FONGTIL Kaikoli,(13/05).

Entretantu Koordenadór CGT, Sabino Fitun hateten VIII governu seidauk iha sensibilidade, maske sira halo ona buat barak maibe sira la iha seriedade hodi aloka osan iha nia fatin, liu-liu ba ema ho defisiensia sira, orsamentu retifikativu iha tinan ida ne’e boot liu iha istória Timor nian

“Orsamentu Retifikativu ne’e mai ho $1 billaun resin, maibe nafatin laiha fatin ba ema ho difisiensia, ne’ebé ami husu ba Prezidente Republika di’ak liu veta, OJE 2022 ne’e iha bilaun ida resin agora mai tan ho retifikativu, hatudu katak orsamentu ba tinan 2022 ne’e boot liu iha istoria timor nian,” dehan Sabino.

Nia dehan medida 13 ne’ebé governu tau hodi aprova osan retifikativu ne’e, mai hosi kompromisu kandidatu Prezidente Republika balun, no iha eleisaun loron 19 Abril hatudu katak povu la konkorda ho kompromisu ne’ebé mak sira fo iha kampaíña, ho resposta liu hosi votasaun ne’ebé liu daudaun, ami konsidera katak ne’e la dun di’ak.

“Iha situasaun sira hanesan ne’e ita rezolve mak situation emerjensia ne’ebe akontese hanesan mina folin sae, lalos ba halo fali sede artemarsial, uma kbiit laek plus ne’ebé laiha benefisiu ba ema ho difisiensia tanba ne’e Prezidente tenke haree didiak ho domin atu veta tiha no haree fali ba iha OJE 2023” nia dehan

Tuir dadus ema ho difisiensia hamutuk 38.118 tuir sensus 2015, EhD matan: 14,000 Tilun: 12,000, Movilitariu/fisiku: 7,000 no Psiko-sosial no intelektuál 3,000 no Core Group Transparency kompostu hosi organizasaun sira hanesan: La’o Hamutuk, Mata Dalan Institute, Etadep, Haburas Foundation, Baloos Foundation, Luta Hamutuk, AssosiasaunHak, Haberan Intitute, Community Development Interest, PERMATIL, Fundasaun Feto Hadomi Familia no Raes Hadomi Timor oan (RHTO).

Print Friendly, PDF & Email

LEAVE A REPLY

Please enter your comment!
Please enter your name here