Home Notisia Iha Situasaun Covid-19, Suku Comoro Rejistu Kazu Hadau Malu Fatin no Soe...

Iha Situasaun Covid-19, Suku Comoro Rejistu Kazu Hadau Malu Fatin no Soe Malu

430
0
Xefe Suku Komoro, Eurico da Costa de Jesus . [Foto: Raimundo Seguerau | 21.05.2020]

Reportazen Raimundo Seguerau

Durante impelementasaun  estadu emerjensia hodi bandu sidadaun sira labele halo movimentasaun no hela de’it iha uma (stay at home) hamosu kazu familia uma kain ida, fen ho laen soe malu ne’ebé akontese iha Suku Comoro, Postu Administrativu Dom. Aleixo, Munisipiu Dili.

Oras ne’e dadaun kazu fen no laen soe malu, rejistu ona iha sede Suku Comoro. Kazu ne’e rejista no aprezenta husi fen ho intensaun katak hakarak atu lori prosesu ne’e ba tribunal tanba sira iha oan na’in haat (4).

Xefe Suku Komoro, Eurico da Costa de Jesus hateten impaktu propagasaun pandemia Covid-19 ne’ebé akontese iha mundu inklui Timor-Leste, hodi estadu Timor-Leste dekreta estadu emerjensia durante fulan rua konsege hamosu problema fen no laen soe malu.

“Xefe suku rejista duni problema husi komunidade hadau malu fatin, problema liu-liu ema aproveita tempu emerjensia soe sira nia fen ba fali feto seluk”, dehan Xefe Suku ba jornalista iha nia knar fatin, Komoro-Dili, foin lalalsi ne’e.

Kazu ida ne’e, agora dadaun suku Comoro rejistu ona, ne’ebe hatama keixa husi nia fen. Depois situasaun remata autoridade lokal sei bolu polisia lori sira halo investigasaun, hodi nune’e halo prosesu ba iha Ministeriu Públiku.

“Agora dadus uma kain loron-loron sempre aumenta tanba keluarga foun. Tuir dadus ne’ebé ami iha husi uma kain antigu no foun hamutuk 10.119 no kazu fen lae soe malu tama hotu iha lista ne’e”, hateten Xefe Suku

LEAVE A REPLY

Please enter your comment!
Please enter your name here