Reportajen Zevonia Vieira no David da Costa Gusmao
Kandidatu Prezidente ho númeru sorteiu 6, Dr. Francisco Guterres Lu Olo, ezerse ona nia direitu liuhusi eleisaun prezidensiál, iha eskola primária Farol, Dili.
Hafoin vota ba jornalista sira Lu Olo hateten nia sei manan iha eleisaun ne’e ,no votante sira sei konfirma fila fali sira nia votu iha eleisaun ne’e
“Hau fiar hau sei manan iha premeiru ronde, no ohin loron liuhusi eleisaun povu sei konfirma fali sira nia votus mai hau. Hau deklara ona katak se hau re-eleitu mak hau sei defende estadu de direitu demokrátiku, kontinua dezenvolve sustentabilidade nasaun ne’e, hodi povu hetan moris ne’ebe diak liu”. dehan Lu Olo
Prezidente Republika atuál ne’e mos hato’o lia menon ba iha kontajen des votu, ekipa sira iha ne’e sei halo sira nia serbisu ho diak, atu nune’e bele halo apuramentu ho loloos, nune’e rezultadu ne’ebe fo sai ema hotu bele simu ho diak.
Kandidatu Prezidente Republika Lu Olo akompanha husi nia espoza Cidália Nobre Guterres no oan mane boot ne’ebe premeira vez ezerse nia direitu nu’udar sidadaun, hodi deside nia votu
