Home Notisia PNTL: Situasaun Seguransa Lao Diak Maske Iha Tensaun Politika Oituan

PNTL: Situasaun Seguransa Lao Diak Maske Iha Tensaun Politika Oituan

187
0
Komandante Jerál PNTL Komisariu Polísia Faustino da Costa. [Foto: Santina Lucia da Costa | 21.05.2020]

Reportazen Santina Lucia da Costa

Komandante Jerál Polísia Nasional Timor-Leste (PNTL) Komisariu Polísia Faustino da Costa  informa situasaun seguransa rai laran ba Prezidente da Republika katak situasaun seguransa iha teritoriu lao ho di’ak no kalma, maske tensaun politika oituan no aktus violensia balun maibe la fo impaktu ba estabilidade.

Komisariu Faustino da Costa hateten PNTL agradese no apresia ba povu maske hotu-hotu akompanha transmisaun direita ne’ebe halo, povu nafatin hakmatek.

Faustino da Costa informa iha mos aktus krimes balun akontese, iha kazu balun akontese iha Dili, Baucau no Viqueque. Kuaze kazu hirak ne’e mai husi membru arte marsiais sira.

“Ita hotu hatene iha inisiu tinan ida ne’e, governu halo rezolusaun atu reativa Arte Marsiais, entaun oportunidade ida ne’e governu loke fila fali ona, mais la signifika atividade hotu-hotu arte marsiais lao hanesan ne’e de’it, katak sei fo fila fali tempu mos arte marsiais sira organiza malu atu nune’e bele rezistu ofisialmente hodi hala’o atividade”, hateten Faustino da Costa, iha palacio prezidensia, 21/05.

Iha enkontru ne’e Prezidente da Republika fo apresiasaun ba Polisia Nasional ninia serbisu durante Estadu Emerjensia ba periodu Primeiru no segundu.

LEAVE A REPLY

Please enter your comment!
Please enter your name here