Home Notisia PM: PN Lao Normal Ona, PM Atu Lori Fila Fali Orsamentu Ba...

PM: PN Lao Normal Ona, PM Atu Lori Fila Fali Orsamentu Ba PN

785
0
Primeiru Ministru Taur Matan Ruak.. [Foto: Francisco JDA | 21.05.2020]

Reportazen Santina Lucia da Costa

Primeiru Ministru Tau Matan Ruak kongratula esforsu parlamentu nian, hodi ultrapasa problema sira ne’ebe mak eziste.

Enfelizmente iha problema uituan mais, ne’e hanesan baibain ita dehan kuandu bee ne’ebe fakar ona ne’e ita lalika tanis tuir bee ida fakar ne’e. Ita haree fila fali oinsa mak aban ne’e ba oin”, hateten Primeiru Ministru, Taur Matn Ruak ba Jornalista sira hafoin enkontru regular ho Prezidente Republika, Francisco Guterres Lu-Olo iha palasiu Prezidensial, Aitarak Laran, loron, 21/5.

Primeiru Ministru hateten hanesan orgaun soberanu ida lidera ezekutiva, Parlamentu Nasional re estabele normalidade, tanba Primeiru Ministru atu lori fila-fali orsamentu ba Parlamentu Nasional tanba nasaun labele funsiona ho duodesimu ona.

Taur Matan Ruak mos kongratula populasaun tomak no kontente tanba joven sira nia komportamentu di’ak relasiona ho situasaun agora dadaun.

“Hau kontenti los haree joven sira nia komportamentu no ami sira nia komportamentu relasaun situasaun sira hanesan ne’e, hau orgullu los parte ezekutivu ida ne’e lidera nasaun ida ke iha sidadaun muitu klaresidu no muitu sivismu.” dehan TMR.

Enkontru regular entre Primeiru Ministu ho Prezidente da Republika, hodi informa situasaun jeral pais nian no planu atividade ne’ebe sei halo iha tempu oin mai.

Relasiona ho kalendariu posse membru governu foun, tuir informasaun hosi Primeiru Ministru, Prezidente da Republika mak sei estabelese no governu hein kumpri orden.

TMR mos relata konaba membru governu CNRT ne’ebe tuir deklarasaun hosi partidu CNRT atu husu sira rejigna-an, Primeiru Ministru hateten, “laiha intensaun atu hasai maibe iha balun sei hasai no tomada de posse mak ita sei haree hamutuk se mak sai no se mak la sai.

LEAVE A REPLY

Please enter your comment!
Please enter your name here