Home Feature Ai-fuan ne’ebe faan Mak Hatutan Moris, Juliaun: Hau Kontente Moris Mak Ne’e...

Ai-fuan ne’ebe faan Mak Hatutan Moris, Juliaun: Hau Kontente Moris Mak Ne’e Ona

377
0
Juliaun da Costa leba aifuan hodi faan. [Foto: Latu | 28.09.2020]

Reportazen Francisco JDA

Ho sapeo mean kalsa badak, uza sinelus simplis leba hodi no aidila tasak haleu Dili laran hodi faan, maske rai manas no rai rahun falun nia, maibe ida ne’e laos osbtaklu ba nia atu haleu Dili, faan prodotu lokal ne’ebe nia leba.

Nia mak Juliaun da Costa, aileba oan hosi municipio Dili, suku Camea hatutan moris hosi seitor informal, hodi bele sustenta moris familia nian, tanba nia iha oan nain rua ne’ebe sei kiik.

Molok loron loke nia liras hodi haroman rai, Juliaun hader ona hosi toba, maske karik sei hakarak toba, maibe nesesidade hafanun nia sedu liu, hodi hikis kosar ba nia uma laran.

Iha loron ida bainhira jornalista Neon Metin partisipa hela diskusaun ida iha Jardim 5 de Maiu, mais menus oras tuku 15:30 lorokraik, Neon Metin hare bainhira Juliaun leba hela nia aifuan sira hakat mai Jardim, tanba Jualiaun iha hanoin bainhira iha fatin publiku sira, fiar ema sei hola netik nia aifuan.

Ho lian neneik no nakonu ho esperansa, Juliaun hateten, “hola hau nia hudu lai”, jovem sira husu hudi sasuit ida hira? Juliaun hatan Dollar ida, nune’e sira hola duni sasuit ida.

Loron matan hahu tun ba bebeik, labarik sira ne’ebe halimar iha Jardim halai bam ai, sae fasilidade halimar nian ne’ebe monta iha jardim, joven sira sira ne’ebe halo diskusaun mos kontinua dadalia akompanha ho hamnasa.

Iha parte sorin Juliaun kontinua leba nia aifuan iha jardim, hateke ba mai, se tilun ba sorin-sorin karik ema ruma sei bolu nia, hodi sosa nia aifuan. Juliaun nakonu ho esperansa boot bainhira nia fila ba uma, hela deit ai ne’ebe nia tara nia aifuan ba.

Maibe realidade aifuan sei tara barak hela iha ai ne’e, nia kontinua hase ema sira ne’ebe pasa tempu iha jardim, ho lian neneik Juliaun hase, “hola hau nia hudi lai”, ema sira husu sasuit ida hira?, nia hatan dollar ida no ema hirak ne’e hakarak hola duni, Juliaun tesi tali raffia ne’ebe kesi hela iha hudi ninin, hodi entrega ba sosa nain no simu Dollar ida no hatama ba nia kalsa bolsu.

Jornalista Neon Metin hakat besik ba Juliaun bainhira ema hola tiha nia hudi, ho hamnasa hase no husu nia atu bele dada lian. Iha durante dadalia Neon Metin husu tinan hira ona faan aifuan? Ba Neon Metin Juliaun hateten moris mak nune’e ona, “hau kontente moris hanesan ai-leba, no faan aifuan ne’e hau mak hakarak, no hau faan durante tinan tolu ona”.

Juliaun deha aifuan ne’ebe nia faan loron id abele hetan $10.00-$20.00 Dollar, maibe depende sorte deit

Maske Juliaun nia atividade lor-loron mak  leba ai ne’ebe todan haleu sidade Dili, Juliaun la sente loron manas no koleng. Juliaun hela iha Camea, hahu sai hosi uma oras 09:00 dadersan no sei konserta iha merkadu Taubesi to’o oras tuku 19:00 kalan no hein nia alin ho motor hodi tula nia fila.

Sasan ne’ebe lori dalaruma ema sosa hotu no dalaruma la hotu, se karik ema sosa la hotu sei hatun tan sasan nia folin tun ba 0.50 centavos, nune’e bele hotu tanba sasan ne’ebe Juliaun faan sosa tutan hosi ema seluk.

Osan ne’ebe Juliaun hetan kada loron,  hodi sustenta ekonomia familia nian, basa Juliaun hanoin katak nesesidade importante ba moris loron loron nian. Ba Juliaun importante loron ida nia ho familia bele han netik buat ruma no hatutan moris.

Print Friendly, PDF & Email

LEAVE A REPLY

Please enter your comment!
Please enter your name here