Home EduTek COVID-19, Eskola 12 Novembru Hahu Tama, Estudante Balun La Uza Maskra?

COVID-19, Eskola 12 Novembru Hahu Tama, Estudante Balun La Uza Maskra?

309
0
situasaun iha eskola 12 Novembru. [Foto: Francisco JDA | 18.01.20201]

Reportazen Francisco JDA

Loron 18 Janeiru nudar loron ba dahuluk nian eskola publiku no privadu sira, hodi hahu prosesu aprendizajem iha situasaun surtu COVID-19. Rezolusaun Governu nian nu. 52/2020 hodi kumpri regras protokolu saude ba prevensaun COVID-19, liu-liu iha fatin publiku sira hanesan Igreja, Eskola, super merkadu no fatin sira seluktan.  

Jornalista Neon Metin halo observasaun direita no entrevista ho Diretor Eskola Sekundaria Jeral 12 Novembru, Aniceto Pedro da Costa konaba preparasaun eskola nian hodi kumpri protokolu saude nian.

Ba Neon Metin Diretor Jeral Eskola 12 Novembru hateten prosesu aprendizajem hahu fila fali ona, professor no estudante sira inklui inan mana sira prepara no kumpri regra hosi Organizasaun Mundial Saude (OMS) konaba fase liman bebeik ho sabaun, uza maskra no halo distansiamentu sosial.

“Eskola ne’e atu la’o  normál fahe ba turnu rua dader no loraik, importante liu mak tau maskra, fase liman no eskola prepara ona bee moos ba kada sala ida-idak, inklui prepara ba jerál nian kuandu hotu ense fila fali”,  hateten Diretor Eskola Sekundaria Geral 12 Novembro, Anicetu Pedro da Costa iha Becora, 18/01

Maske Diretor Eskola Geral 12 Novembru Becora hateten katak estudante sira uja maskra no fase liman beibeik, maibé bainhira Neon Metin halo observasaun direita estudante barak la aplika regras

Situasaun ne’e ba Neon Metin Diretor Eskola 12 hatan katak estudante barak foun foin mak mai hosi foho ka municipiu sira, barak mak sedauk rona atu uza maskra. Diretor ne’e hateten ohin loron ba dahuluk nian  hodi halo avizu no fo atensaun ba estudante sira hodi aplika regras prevensaun COVID-19.

Nia informa tuir kalendariu ne’ebé iha, prosesu aprendijajen lolos ohin la’o normál ona, maibé ami sei kria kondisaun ba ambiente ne’ebé mak moos, tanba sei fo loron rua ka tolu hodi hamoos sala laran no areadores hafoin bele halao prosesu ho normal.

Iha fatin hanesan estudante Normandinha Soares Freitas ba Neon Metin hateten katak seidauk rona informasaun klaru ba prosesu aprendizajem maibé hakarak tebes atu hahu eskola, mesmu ho situasaun COVID-19 ne’ebe afeta globalmente, maibé profesór sira sempre buka meius oin-oin atu ami bele aprende ho di’ak, uja maskara, fase liman no mós kumpre distansimentu sosial.

Print Friendly, PDF & Email

LEAVE A REPLY

Please enter your comment!
Please enter your name here