Reportazen Adalgisa Pereira
Sekretáriu Estadu Formasaun Profisionál no Empregu (SEFOPE) sei serbisu hamuutk ho Uniaun Europea iha area kapasitasaun. Hafoin enkontru ho Embaixador Uniaun Europeia, ba jornalista Sekretariu Estadu Formasaun Profesional no Empregu, Alarico do Rosario hateten Uniaun Europeia (UE) sei fo apoiu ba SEFOPE iha area kapasitasaun.
“Embaixadór Uniaun Europeia atu serbisu hamutuk liu-liu ba área formasaun, durante ne’e sira akompaña no oinsa haree iha área formasaun ida ne’ebe mak sira bele fo apoiu”, dehan Sekretáriu estadu formasaun profisionál no Empregu Alarico de Rosário iha iha salaun SEFOPE Kaikoli, 18/01.
Nia hatutan liu husi enkontru ne’e SEFOPE mos aprezenta Centro Formasaun sira iha Timor laran tomak hanesan Centro formasaun Tibar no Senai Bekor. Fundus ne’ebe mak durante ne’ebe apoiu centro formasaun sira no planu ne’ebe mak SEFOPE trasa.
Iha fatin hanesan Embaixadór Uniaun Europeia iha Timor-Leste, Andrew Jacobs hateten ohin hasoru malu ho SEFOPE, atu serbisu hamutuk iha kontestu formasaun professional ba seitor ekonomia.