Home Feature COVID-19 Fo Impaktu Ba Rendimentu Bengkel Nova Indah Ne’ebe Harii Hosi Jovem...

COVID-19 Fo Impaktu Ba Rendimentu Bengkel Nova Indah Ne’ebe Harii Hosi Jovem Sira

184
0
ekipa klinika jurnalismu halo entrevista ho bengkel nain Nova Indah. [Foto: Ekipa klinika jurnalismu | 15.07.2020]

Ekipa Klinika Jurnalismu UNTL-UNESCO

Hatutan moris ema ida nian ba kada loron mak sai responsabilidade emak idak-idak nian, nesesidade ema ida nian ezije atu bok an, hodi hetan ai-han ba loron ida, maske todan maibe dalan mak ne’e.

Iha grupu joven ne’ebe hahu inisia hodi buka moris, liu hosi harii negosiu liu hosi loke bengkel ho naran Nova Indah Bidau Dili. Bengkel ne’ebe harii ona iha tinan 5 liu ba, ajuda tebes joven hikra ne’ebe haknaar iha fatin refere.

Maibe bainhira COVID-19 afeta mai Timor, grupu joven ne’ebe harii bengkel ne’e sente laloran boot mak baku sira, tanba fo impaktu la diak ba sira nia rendimentu, liu-liu durante Estadu Emerjensia fulan tolu.

Ekipa klinika jurnalismu hakbesik ba bengkel Nova Indah Bidau Dili, hodi hare besik serbisu ne’ebe mak sira halo no dadalia ho Funsionariu bengkel Nova Indah Bidau Dili, Bosco de Carvalho konaba negosiu ne’ebe halao.

Ba ekipa klinika jurnalismu Bosco de Carvalho konfesa katak durante pandemia COVID-19 iha Timor-Leste, liu-liu iha períodu Estadu Emerjensia (EE) fó impaktu tebes ba sira nia rendimentu, hodi hapara provizoriu sira nia atividade negosiu durante fulan tolu.

“Kona-ba ami nia salario durante COVID-19, liu-liu iha EE, ami la hetan rendimentu ne’ebé di’ak, tamba ema la lori motor mai hadia iha ami nia bengkel Nova Indah kompara ho tinan kotuk”, hateten Carvalho iha Bidau Dili, 10/09.

Iha fatin hanesan reprezentante nain ba bengkel Nova Indah, Adelio Gonzaga ba ekipa klinika jurnalismu esplika Dili nu’udar Kapital ne’ebé mak ema hotu-hotu mai buka moris, maibé iha Estadu Emerjensia ida ne’e, ami nia negosiu ne’e rasik la hetan rendimentu di’ak kompara ho tinan kotuk.

“Depois de Estadu Emerjensia, ami nia negosiu ne’e rasik hahu loke fila fali, maibé dalaruma loron ida hetan de’it ho $5.00 tamba laiha ema atu lori sira nia motor ka kareta mai iha ami nia bengkel ne’e rasik”, tenik Adelio.

Bengkel Nova Indah hari’i iha tinan 2006 to’o mai agora no harii hosi jovem sira hosi Municipio Lautem-Lospalos, hamutuk nain 3 nudar nain ba bengkel no funsionariu hodi atende konsumidor sira,  ne’ebe mai hatutan moris iha sidade Dili, hodi bele kria serbisu ba an rasik iha sidade la fasil, maibe sira hatudu ona mask sempre iha obstaklu, maibe jovem hirak ne’e fiar sira sei lolo liman ba fitun hodi kaer katak laos lolo liman ba makaer ukun sira hodi husu.

*(Cesar Gama de Jesus, Joana Alves, Jorgina Menas Amaral, Julião F. Soares no Rivaldo J. Sarmento nudar hakerek nain ne’ebe tuir formasaun iha klinika jurnalismu UNTL-UNESCO no mentor publika sira nia artigu iha Neon Metin)

LEAVE A REPLY

Please enter your comment!
Please enter your name here