Home Meio Ambiente Inundasaun Foin Lalais, Ema ho Difisiensia Mak Vulneravel Liu Hasoru Dezastre

Inundasaun Foin Lalais, Ema ho Difisiensia Mak Vulneravel Liu Hasoru Dezastre

1077
0
Maluk Ho Difisienai serbisu ho Oxfam halo asesmentu ba vitima inundasaun sira. [Foto: Reginal Ramos, Oxfam TL | 04.04.2020]

Reportazen Santina Lucia da Costa

Dezastre hanesan fenomena ida ne’ebé mak mosu, laiha mensajen no nia perturbasaun ne’ebé mak grave hasoru funsionamentu komunidade, ba iha kualker eskalaun konsikuensia husi eventu ne’ebé mak iha interaksaun ho situasaun exposisaun, vulnerabilidade no kapasidade ne’ebé hamosu estragu no impaktu bele kona liu ba Ema, Material, Ekonomia no Ambiente.

Organizasaun Ra’es Hadomi Timor Oan [RHTO] hamutuk ho Oxfam Intenasional Timor-Leste halo assessment, depois de inundasaun hosi 14-16 Marsu, iha Suku Bairo Pite no Vila Verde. Hosi asesmentu ne’e hetan katak Ema ho Defisiénsia sira hasoru dezafiu oioin iha situasaun dezastre, liu-liu I]inundasaun ne’ebé mak foin dau-daun akontese iha loron 13/03/2020.  

Liu hosi statement imprensa RHTO deklara katak hosi Sekretaria Estadu Portesaun Civil ninia funsionariu sira seidauk iha kapasidade naton kona Redusaun Risku Dezastre Inkluzaun Defisiénsia.

RHTO haktuir katak iha Munisipiu Dili Ema ho Defisiensia, ne’ebe mak iha deversidade oioin hanesan Defisiénsia Fiziku, Matan, Intelektual, Psikososial, Komunikasaun [rona no koalia) hetan diskriminasaun husi familia, abandona, laiha oportunidade hodi asesu ba informasaun no lahetan igualidade iha familia laran. Alende ne’e Ema ho Defisiensia barak mak  seidauk asesu ba Bee no Saniamentu hanesan iha uma no fatin publiku, tanba fasilidade sira la tuir padraun universal.

Munisipiu Dili, Autoridade Munisipiu sira mos seidauk iha koñesementu naton kona-ba asuntu Ema ho Defisiensia, liu-liu oinsa atu fasilita ema ho defisiensia iha tempu dezastre.  Munisipiu Dili, ema ho defisiensia barak mak seidauk hatene kona-ba Sistema alerta sedu

Ho situasaun ne’ebe mak maluk difisiensia sira hasoru, RHTO rekomenda ba estadu, governu, autoridade lokal, ajensia internasional, komunidade no familia sira,  husu no izije ba estadu no governu Timor-Leste, atu labele adia tan, hodi ratifika ona Konvensaun Direitu Konaba Ema ho Defisiensia ne’ebé mak Estadu no Membru ONU sira rekomenda ona iha Relatoriu Revizaun Periodiku [UPR] iha siklu primeiru no segundu ne’ebé governu hato’o ona nia komprimisiu hodi ratifika konvensaun.

Husu ba instituisaun governu atu konsidera no garante direitus ema ho defisiensia, liu-liu iha tempu dezastre hodi asesu humanitaria ne’ebé mak ho standarte.

RHTO mos husu ba Sekretaria Estadu Protesaun Civil atu koopera ho organizasaun  Ema ho Defisiensia, hodi promove programa no atividade sira bele sai inkluzaun, hasa’e konsiensia ba ekipa asesmentu rapidu, funsionariu Protesaun Civil, hodi bele atende Ema ho Defisiensia sira iha tempu dezastre,

RHTO mos husu Ministériu Obras Públik, Transporte no Komunikasaun atu asegura asesibilidade iha fatin publiku sira hanesan sentru evakusaun, eskola, estrada, sintina, edifisiu, portu no aero-portu ne’ebé amigavel no garante padraun universalidade.

Husu ba Sekretaria Estadu Protesaun Civil atu asegura nafatin evakuasaun tenke estandar ba defisiensia sira asesu ho independente no sein halo diskriminasaun tanba sira nia kondisaun defisiensia

Ministériu Solidariedade Sosial e Inkluzaun atu asegura no apoia ba CNR, hodi bele tau dormitoriu emerjensia atu nune’e bele akomoda Ema ho Defisiensia wainhira sira presija ekipamentu emerjesia tanba estragu husi dezastre.

Husu ba Organizasaun Sosiedade Sivil sira ne’ebe maka servisu ba iha asuntu dezastre atu mantein koopera hamutuk ho organizasaun Ema ho Defisiensia sira, hodi asegura no promove asuntu no direitu Ema ho Defisiensia. Husu ba ajensia internasional sira atu koopera no apoia nafatin organizasaun Ema ho Defisiensia sira, hodi kontinua foka ba iha asuntu dezastre liu-liu pratika inkluzaun defisiensia.

“Ami konsidera katak asuntu defisiensia la’os asuntu Ema ho Defisiénsia  ka organizasaun Ema ho Defisiensia nian deit maibe, hanesan asuntu nasional no global ligadu ba direitus umanus tanba ne’e ema hotu, estadu, governu, sosiedade sira persija promove hodi labele husik deziguldade, dezumanu, tratamentu kruel, diskriminasaun oi-oin hasoru ba Ema ho Defisiensia, feto labarik no vulnerabilidade sira seluk, sira kontinua infrenta situasaun deskriminasaun”, deklara RHTO iha statementu imprensa, iha loron 03/04

Print Friendly, PDF & Email

LEAVE A REPLY

Please enter your comment!
Please enter your name here