Home Feature EE & Covid-19, Valente Hatutan Moris Hosi Faan Aifuan, Rendimentu La...

EE & Covid-19, Valente Hatutan Moris Hosi Faan Aifuan, Rendimentu La Hanesan Uluk

289
0
Valente de Jesus faan aifuan iha dalan ninin. [Foto: Santina Lucia da Costa | 17.04.2020]

Reportazen Santina Lucia da Costa

Saida mak Corona no saida mak Estadu Emerjensia? Ba ai-leba sira la hatene saida maki da ne’e? tanba sa Prezidente da Republika dekreta estadu emerjensia? Tanba tenke tau maskra no fase liman bebeik? Ai-leba oan sira hatene klean bai da ne’e. Ba sira importante, sira bele hetan netik dolar 1, hodi bele dada iis diak iha loron ohin, aban no loron tuir mai.

Valente de Jesus, idade 22 remata eskola iha eskola pre sekundario deit, nia labele kontinua eskola tanba moris hosi ema kbiit laek, la iha kbiit hodi kontinua nia eskola. Hahu hosi ne’eba Valente hatutan nia moris, liu hosi  faan aifuan hanesan sabraka. ne’ebe nia leba, tenke lao dook, maske loron tiru kona nia kulit, udan monu kona nia isin lolon, maibe ida ne’e Valente tenke halo iha nia vida loron-loron.

Valente hasoru susar boot bainhira virus Corona sama ain iha Timor, sa tan tenke aplika estadu emerjensia, Valente hasoru difikuldade tanba nia rendimentu la hanesan uluk.

 “Estadu emerjensia ida ne’e, ami atu la fa’an mós ladun di’ak, ami iha uma mos atu hein estadu fó osan mos laiha, entaun ami rasik buka osan, hodi sustenta nesesidade uma laran”, tenik Valente ho laran susar ba Neon Metin iha Audian, 16/04

Valente konta tuir iha tempu uluk hola sabrak balde ida ho presu $25-30 dolar Amerikanu, bainhira faan fila fali bele hetan osan inan ho funan hamutuk $50.00, dala ruma hetan deit $20.00 resin, maibe tanba tenke gasta ba hahan no hemu entaun dalaruma susar atu rai osan.

“Agora ema ba hotu foho ne’e fa’an araska, dalaruma ema la hola, loron rua hanesan ne’e mak foin hetan osan inan ho osan funan, maibe hetan osan lahanesan uluk ona, dalaruma hetan de’it osan inan ho osan funan $45.00 deit”, tenik Valente.

Joven mane ne’e hatutan katak iha sira nia fatin mos dalaruma hamlaha tan foos laiha, sira faan netik ida ne’e mak hodi hola netik foos ho alin, ferik-katuas sira hodi han hamutuk.

Valente tenke lao ain tanan hosi taibesi no haleu sidade Dili, hodi buka sorte karik ema bele bolu netik nia iha dalan ninin, hodi sosa netik nia sabrak, leba iha kabaas Valente sente katak halo nia uat iha kabas moras, tan sasan ne’ebe nia leba todan, maibe ida ne’e mak Valente tenke halo, hodi bele sustenta nia moris no ninian familia.

Neon Metin dadalia ho nia, ho situsaun moras Corona, presiza proteje an bainhira lao iha fatin publiku, tanba virus bele kona, oinsa mak ita boot bele proteje an? Valente hatan ho lian kiik, “hau uza maskra hodi proteje hau nia an, fase liman hela deit no halo distansia fiziku metro 1. Hau lori maskra rua, bainhira lao mak kosar no iss, hau soe no uza fali foun”.

Print Friendly, PDF & Email

LEAVE A REPLY

Please enter your comment!
Please enter your name here