Home EduTek CNC ho AJTL Realiza Treinamentu Jornalizmu ba Paz, Ba Estudante Universitáriu

CNC ho AJTL Realiza Treinamentu Jornalizmu ba Paz, Ba Estudante Universitáriu

195
0
partisipante ba formasaun Jurnalismu ba Paz iha CNC. [Foto: Media CNC | 09.05.2022]

Reportajen Francisco Colo

Centru Nasionál Chega! ( CNC) servisu hamutuk ho Deutsche Gesellschaft für Internationale Zusammenarbeit – the Southeast Asian University Partnership (GIZ-SAUP) no Asosiasaun Jornalista Timor Lorosa’e (AJTL) realiza treinamentu Jurnalizmu ba Paz, ba estudante universitáriu nain 25, hodi hasa’e sira nia konnesementu konaba mundu jurnalismu, liu-liu jornalizmu ba paz, no oinsá halo produsaun filme ba sobrevivente sira iha tempu konflitu  

Objetivu hosi treinamentu ne’e nu’udar parte ida hosi programa tranzmisaun memória interjerasional (hatutan memória) ba estudante sira atu aprende kona-ba istória Timor-Leste liuhosi entrevista sobrevivente sira no grava sira nia istória ba públiku.

Iha intervensaun, Diretór Ezekutivu Centro Chega! Hugo Fernandes husu ba estudante sira aproveita oportunidade formasaun ne’e ho di’ak, no hatudu rezultadu produsaun video ne’ebé di’ak tanba sei publika rezultadu produsaun video iha media.

Iha fatin hanesan Asesór GIZ iha Centro Chega!, Mitjo Vaulasvirta reforsa programa jornalizmu ba Paz ne’ebé Centro Chega! oferese bele sai hanesan instrumentu importante ba konstrusaun dame iha Timor-Leste.

Ofisiál Senior Division Edukasaun no Formasaun ba CNC, Matias dos Santos hateten iha formasaun  jornalizmu ba Paz hanesan atividade ida ne’ebé dignifika sobrevivente sira  nia  istória ne’ebé la mosu iha públiku, maski partisipa iha funu no fo kontribui makas iha Timor-Leste.

Programa jornalizmu ba Paz hanesan atividade ida ne’ebé kompleta atividade hatutan memória, ne’ebe CNC halo tiha ona, hodi dignifika sobrevivente sira ne’ebé mak durante ne’e nia istoria la mosu iha publiku maske partsispa iha funu, kontribui makas maibé sira nia istória memória  la mosu iha públiku“, hateten Matias dos Santos hafoin abertura formasaun Jornalizmu ba Paz iha salaun CNC Balide Segunda (09/05/2022).

Partisipante Universidade Nasionál Timor-Lorosa’e( UNTL), Deonizia Tilman hatete sente kontente  tebes  bele selesionadu,tanba hasoru ambiente foun hodi bele aprende buat foun.

“Liu husi formasaun ne’e ha’u bele kompleta tan hau nia esperiénsia ne’ebé mak aprende iha universidade, no mos bele aumenta tan kapasidade hodi bele kontribui mós ba prosesu rekullamentu memoria sobrevivente sira nian ne’ebé mak sira enfrenta.” hatete partisipante UNTL Deonizia.

Enkuantu formasaun ne’e sei la’o durante loron 10, hahú hosi (9-18 Maiu 2022), estudante sira aprende kona-ba istória Timor-Leste, dezenvolve abilidade jornalizmu, abilidade teknika entrevista, inklui oinsá uza kamera no editing video. Remata formasaun estudante sira sei tun ba terreñu hodi halo intrevista ba sobrevivente sira iha Munisípiu Liquiça durante loron 5 hahú 23-27 Maiu 2022, hodi halo entrevista ho sobrevivente sira

Print Friendly, PDF & Email

LEAVE A REPLY

Please enter your comment!
Please enter your name here