Home Saude 9 Maiu, MS Rejista kazu Dengue Foun 23 no Total Kazu...

9 Maiu, MS Rejista kazu Dengue Foun 23 no Total Kazu Akumulativu 4,697

104
0
Imajen ilustrasaun moras dengue. [Foto: Copyright Beriasatu.com | 28.04.2020]

Reportajen David da Costa Gusmao

Tuir dados ne’ebe relata hosi Diresaun Nasionál Saúde Publika (DNSP) no Departamento Vijilansia Epidemiolojia Ministériu Saúde (MS) nian,  ne’ebe neon metin asesu, ohin Ministru Saúde  rejista kazu dengue foun na’in 23,  no kazu akumulativu dengue hamutuk 4,697.

“Situasaun kazu Dengue Iha Timor-Leste ohin loron,  MS  rejista kazu dengue foun 23 no husi total  kazus ne’ebe relata iha loron ohin mai husi Municipio Baucau, Dili, Manufahi no Viqueque, kazu dengue akumulativu  hamutuk 4,697 no totál obitos nain 53,” dehan iha komunikadu Imprensa ne’ebe neon metin asesu iha loron segunda, 9/05.

Maioria kazu dengue ne’e  deteta iha  Municipio Dili ho total 3,233, ruir tan maka Baucau ho kazu 306, Manufahi kazu 178, Manatuto ho kazu 173, Lautem ho kazu 155, Covalima ho kazu 146, Ermera ho kazu 118, Liquica kazu 117, Aileu ho kazu 85, Viqueque 79, Bobonaro ho kazu 56, Ainaro ho kazu 45, no RAEOA ho kazu 6.

Em jeral kazu Dengue espalla ona iha territóriu Timor-Leste laran tomak, no iha fulan Dezembru 2021 kazu komesa aumenta ho total 225, iha fulan Abril 2021 kompara ho fulan Abril 2022 kazu barak liu ho total 700 kazus.

“Idade mais afetadu maka husi idade menus husi 14 anos mai kraik ho grupu edade 5-14 ho porsento 42,1% no idade 1-4 ho persentagem 35,1%. Ho ida ne’e Attack Rate (AR) idade 1-14 anos a nivel Nacional ho 0.8%,” Haktuir iha komunikadu ne’e.

Iha komunikadu ne’e esplika, distribuisaun kazu dengue tuir klasifikasaun dengue ho versaun foun tuir matadalan manajementu kazu ne’ebe relata husi municipio. Husi dia 10 de Abril ate presente maka Dengue Leve (DL) ho total 322 kazu, Dengue Moderadu (DM) ho total 113 kazu no Dengue Severa (DS) ho total 34 kazu.

“Kazu obitos iha inicio tinan 2022 ate a data ho total 53 obitos ida ne’e representa Case Fatality Rate nivel nasional ho porsento 1,1%.,” Tenik iha komunikadu ne’e.

Kazu dengue kontinua sae ba beibeik iha Timor-Leste, ho ida ne’e Ministeriu Saude (MS) apela ba populasaun iha Dili laran no mósiha Munisipiu sira seluk, atu aprezenta-an iha fasilidade públiku saúde (Sentru Saúde ka Ospitál) ne’ebé besik, wainhira  sente isin-manas, ka Senti laran sa’e,liman ain no sikun moras hodi bele hetan atendimentu husi profisionál saúde sira.

Print Friendly, PDF & Email

LEAVE A REPLY

Please enter your comment!
Please enter your name here