Home Notisia AJTL Preokupa Marketing GMN-TV Sempre Husu Selu Antes Halo Kobertura, Jorge: Iha...

AJTL Preokupa Marketing GMN-TV Sempre Husu Selu Antes Halo Kobertura, Jorge: Iha Espasu Komersiál

1035
0
Dili Dialogue Forum. [Foto: Doc. KI | 04.12.2021]

Reportajen Silvino Freitas

Asosiasaun Jornalista Timor Lorosa’e hato’o intervensaun liuhusi Dili Dialogue Forum 2021, ne’ebe organiza husi Konsellu Imprensa Timor-Leste, ho tema media konvensionál iha era dijitál.

Iha sesaun diskusaun hamutuk ho Media nain GMN, Jorge Serano no Timor Post, Suzana Cardozo oinsá media konvensionál nia eziste iha era dijitál.

Iha ámbitu diskusaun ne’e, Prezidente AJTL, Zevonia Vieira halo intervensaun relasiona ho marketing GMNTV ne’ebe sempre husu selu bainhira, GMNTV hetan konvite hodi halo kobertura ba organizasaun ka grupu sira nia atividade.

“Hau hakarak fo kritika uitoan ba media konvensionál sira liu-liu GMN, iha situasaun pandemia COVID-19, fo impaktu ba rendimentu media ne’e rasik, nune’e GMNTV uza métodu hodi hetan osan ba rendimentu instituisaun ne’e rasik, ne’ebé fó impaktu boot ba liberdade imprensa iha sala redasaun,” dehan Prezidente AJTL, iha salaun Delta Nova, 02/2021.

Nia haktuir tan katak AJTL simu informasaun barak husi fonte, liuliu organizasaun ki’ik sira no grupu  movimentu sira, ne’ebé konvida husu GMN atu halo kobertura iha terenu, redasaun no marketing GMN husu osan hafoin halo kobertura.

“Ida ne’e koalia kona ba ekonomia atu hamoris GMN, maibé ida ne’e fó impaktu boot ba sala redasaun GMN-TV nian” nia preokupa.

Nia mós sujere ba GMN atu jestaun parte jestaun labele uza sala redasaun hodi hetan osan, nune’e sala redasaun kontinua halo nia knaar mantein nia independénsia editorial no fo espasu ba públiku atu koalia sira nia hanoin.

Ba preokupasaun ne’e Prezidente Konsellu Administrasaun GMN, Jorge Serrano hateten GMN mos estabelese espasu komersiál, nune iha publisidade produtu, konferénsia imprensa husi partido ba nia militante sira, ida nee la’os notísia maibé promosaun informasaun ne’ebé mak tau iha separasaun espasu komersiál.

“Hau agradese ba parte hotu ne’ebé preokupa tanba GMN-TV televizaun privadu komersiál, nain mak hau ho hau nia fe’en de’it, hau la halo relatóriu ba sé de’it, tanba laos televizaun publiku, se mak hakarak mai GMN kategoria mak ne’e, lakohi GMNTV, bele husu televizaun seluk”, tenik Prezidente Konsellu Administrasaun GMN iha ambitu Dili Dialogue Forum iha salaun Delta-Nova, 02/11.

Print Friendly, PDF & Email

LEAVE A REPLY

Please enter your comment!
Please enter your name here