Home Feature Sustenta Oan Sira Liu Hosi Faan Modo, Serka Sanitaria Halo Zulmira Halerik

Sustenta Oan Sira Liu Hosi Faan Modo, Serka Sanitaria Halo Zulmira Halerik

483
0
Zulmira Menezes faan modo iha Hera. [Foto: Francisco JDA | 27.03.2021]

Reportazen Francisco JDA

Moris nudar Negosiante kiik la fasil atu hetan sustenta moris, tanba rendimentu ne’ebe la permanente, hamosu difikuldade oi-oin ba sira nia moris, liu-liu iha situasaun COVID1-9.

Jornalista Neon Metin dadalia ho negosiante kiik ne’ebe faan modo iha dalan ninin iha Hera, Zulmira Menezes, konaba moris iha situasuan serka sanitaria, oinsa sovrevive hodi hikis kosar ba moris uma laran nian.

Zulmira konfesa katak antes COVID-19, kada loron ema bele sosa ninian modo hosi $50.00 – $60.00, maibe bainhira numeru COVID-19 aumenta, ho serka sanitaria ne’ebe governu implementa, Zulmira bele hetan osan depende ba sorte, hetan netik $7.00-$8.00, maibe ida ne’e mos laos lor-loron

“Osan ne’ebe hetan mos araska tanba hola fos, mina no masin, ida ne’e la to’o ba uma laran”, dehan

 ba  hatete katak, Covid seidauk iha ema sosa too pelumenus $ 50 too 60 Dollar, mais agora ne’e dalan fuik ema hotu hela iha nia uma, entaun rendimentu ne’e menus ona kada loron di’ak ida hetan de’it $ 7 too 8 Dólar araska duni tanba  hola fos, mina, masin, la too ba iha uma laran

“Ha’u la’ós ema funsionaria, ha’u ema kiak ida, tur hanesan ne’e ha’u buka ha’u nia oan nain haat nia presiza, ha’u moris ho ida ne’e la’ós forma iha banku mak simu osan. Ha’u triste no halerik los osan mak ha’u hetan la to’o atu han no hemu kada loron nian”, tenik Zulmira ba Neon Metin iha Hera, 25/03.

Nia husu ba governu atu hanoin netik povu kiak sira nia halerik, hodi buka solusaun ne’ebe labele halo sira sai kiak liutan.

Zulmira Menezes konfesa, “se ita la faan, ita nia oan sira han saida, hetan netik oituan mak bele sosa fos saku ida, foin bele han”.

Zulmira mos informa katak hosi negosiu kiik ne’ebe nia halo, hodi ajuda nia oan ne’ebe eskola iha universidade, halo fotokopia no nesesidade sira seluk.

Print Friendly, PDF & Email

LEAVE A REPLY

Please enter your comment!
Please enter your name here