Home Notisia CIJK Simu Mensajen no Manifestasaun Apoiu Ba Linha Frente Sira Hosi Individual...

CIJK Simu Mensajen no Manifestasaun Apoiu Ba Linha Frente Sira Hosi Individual Total 56,

480
0
ilustrasaun hakerek mesajen ba frontline sira. [Foto: Copyright google | 27.03.2021]

Reportazen Zevonia Vieira

Relasiona ho serbisu ekipa vijilansia hodi deteta kazu konfirmadu COVID-19 iha Dili laran, liu-liu ba maluk sira ne’ebe halo kontaktu besik, liu hosi zoom press conference, Koordenador Forsa-Tarefa ba Prevensaun no Mitigasaun Surtu COVID-19 iha Timor Leste, Dr. Rui Maria de Araújo ba jornalista sira informa katak Centro Integradu Jestaun Krize (CIJK) simu mesajen agradesimentu & manifestasaun apoiu, liu hosi karta individual hamutuk 56, husi estudante sira Centro de Ensino e Treinamento Shallom, iha Aldeia 20 de Setembro, Bebobuk, Dili no karta husi profesor no Diretor Eskola.

Liu hosi zoom Dr. Rui konsege lee karta hosi estudante hosi eskola refere, hodi reprezenta karta sira seluk, iha karta ne’e rasik eskreve nune’e,

 ‘’Hau nia naran Elisangela Ximenes Monteiro, Tinan 10. I love you. Hau nia agradesimento ba linha de Frente ne’ebé maka ajuda ona ita nia ema ne’ebé mak moras, ou halo sala imi sempre ajuda, no sempre kuida. Maromak Fo’o Bensa ba linhe frente sira hanesan polisia sira, doutor sira, enfermeiru sira, forsa F-FDTL sira no seluktan. Hakuak boot husi Elisanjela Ximenes Monteiro’’, eskreve hosi Elisanjela ba CIJK

Iha karta seluk hosi Jordan Vedry de Quintas 4ºAno/B, iha nia karta hatoo sentiment nune’e,

‘’Haree saúde, labele haluha uza maskra, I love Timor-Leste. Agradesimentu ba Ministério de Saúde no ba maluk sira servisu iha linha frenti’’, tenik Jordan

Iha karta ikus dedika hosi Tatiana Paya Vero Ximenes Fernandes, ne’ebe dedika imajem Rossas ba ekipa linha frente sira ne’ebe luta preven populasaun hosi COVID-19

Hosi karta refere CIJK mos hato’o hakuak bo’ot mós ba Elisanjela, Jordan, Tatiana ho kolega sira hotu iha eskola Centro de Ensino e Treinamento Shallom.

“Kuidadu-an nafatin iha uma, rona inan-aman ho profesor sira nia konselllu. Keta haluha fase liman bebeik ho bé & sabaun ka dezinfetante ruma, labele kose liman ba inus, ibun no matan, hela iha uma, lalika sai wainira la presiza”, dehan Dr. Rui via zoom, 27/03.

Nune’e dadus jeral ba loron 27 Marsu kazu foun total 28, kazu rekuperadu nain 2 no total kazu ativu hamutuk 324.Husi kazu foun nain 28 ohin, iha mane nain 15, feto nain 13, ema sintomátiku-lijeiru nain 4. Ema asintomátiku nain 24.

Print Friendly, PDF & Email

LEAVE A REPLY

Please enter your comment!
Please enter your name here