Home Notisia Timor Leste Nafatin Fo Solidariedade ba Myanmar Hodi Restaura Sira nia Prosesu...

Timor Leste Nafatin Fo Solidariedade ba Myanmar Hodi Restaura Sira nia Prosesu Demokrátiku

1048
0
Diretór Ezekutivu FONGTIL Valentim Pinto. [Foto: Silvino | 28.05.2024]

Reportajen Silvino Freitas

Relasiona ona ho situasaun junta militar ne’ebé nafatin akontese iha Myanmar, hodi harahun sistema demokrasia no hamosu jenosidiu violasaun direitu umanu, Timor Leste nafatin hatudu solidariedade hamutuk ho povu Myanmar atu bele restaura sira nia prosesu demokratiku ne’ebé sira hala’o ona iha tinan 3 ba kotuk, Timor Leste enkoraja nafatin povu Myanmar katak sira sei la mesak maibé hetan apoiu hodi luta hodi promove paz no demokrasia ne’ebé seguru iha Myanmar.

Ativista Myanmar Kin Omar dehan, sente agradese tebes ba estadu Timor Leste ne’ebé fo espasu ba sira hodi hato’o situasaun ne’ebé akontese iha Myanmar dadaun nafatin akontese duversidade barak asaun ne’ebé hala’o husi militar sira husi Myanmar nian hodi halo povu kontinua sofre, tanba sira kontinua oho hodi halo populasaun sira labele moris iha situasaun ne’ebé hakmatek.

“Iha ona mudánsa balun tanba sidadaun Myanmar ne’ebé unidu tebes atu bele hetan sira nia liberdade, halo mudánsa ruma atu junta militar labele halo asaun brutal hasoru sidadaun Myanmar sira, tanba iha tinan 2017 sira kontinua hatudu jenosidiu hasoru etniku Rohingya sira no dadaun ne’e nafatin akontese seidauk para” dehan ativista direitu umanu Kin Omar ba jornalista sira iha salaun FONGTIL Kaikoli Dili, (27/05).

Fatin hanesan Diretór Executivu FONGTIL dehan, sosiedade Timor Leste iha tempu pasadu mós hetan apoiu husi nasaun seluk bainhira ita buka hela ita nia liberdade nune’e ativista sira mai atu kontinua hatoo solidaridade ba sira katak situasaun ne’ebé sira infrenta ne’e iha relasaun ho ita, tanba iha violasaun direitu umanu husi pratika ukun junta militar nian Timor Leste nafatin hato’o solidaridade atu hateten ba sira katak povu Myanmar sei la mesak maibé nafatin hetan apoiu husi mundu internasionál liga ho situatiasaun violasaun ne’ebé sira nia  nasaun infrenta.

“Ita nia solidaridade ne’e atu fo korajen katak sira sei la mesak iha situasaun ne’ebé sira hasoru nune’e neineik bele fanu solidaridade husi internasionál hotu atu sira bele restaura fila fali sira nia prosesu demokratiku ne’ebé halo iha tinan 3 liu ba atu bele moris iha dame garantia iha espasu siviku iha pratika ukun nian” dehan Diretór FONGTIL Valentim Pinto ba jornalista sira iha salaun FONGTIL Kaikoli Dili.

Valentim dehan tan, solidaridade ne’ebé Timor Leste halo ne’e laiha relasaun ho prosesu aplikasaun adezaun Timor Leste nian ba ASEAN, tanba iha kontituisaun artigo 10 nomós Timor Leste nasaun demokratiku nune’e iha pasadu hetan mós apoiu lubuk ida liuliu jornalista sira ba ita nia luta nune’e aproveita situasaun ida ne’e hodi hato’o ita nia solidaridade ba maluk sira iha Myanmar, solidaridade ne’ebé ita halo ne’e alina ho pozisaun estadu Timor Leste nian atu fanun konsensia nivel estadu liu liu estadu sira iha nivel ASEAN nian atu bele restaura prosesu demokratiku ne’ebé povu Myanmar hatudu iha tinan 3 ba kotuk.

“Sira iha Myanmar moris iha situasaun ne’ebé ameasadu hetan violasaun barak hanesan torturasaun violasaun sexual ne’ebé ita husu para labele kontinua tanba la valoriza moris ema nian no tenke promove prosesu demokratiku sira neebe seguru” dehan Diretór FONGTIL.

Nia esplika tan, dadaun ne’e Myanmar lao ona ba evolusaun balun nune’e nafatin husu mundu inklui Timor Leste atu bele fo sira nia solidaridade ba sira nia movimentu revolusaun ne’ebé sira halo ona, nune’e Timor Leste hanesan ne’ebé promove paz no opta demokratiku iha obrigasaun hato’o solidaridade ba sira, tanba iha pasadu sira mós apoiu Timor Leste nia luta, atu situasaun sira hanesan ne’e labele repete tan hodi promove ambiente ne’ebé seguru no saudavel.

Print Friendly, PDF & Email

LEAVE A REPLY

Please enter your comment!
Please enter your name here