Home Notisia Sosiedade Civil Timor-Leste Sei Organiza ASEAN People’s Forum iha Setembru 2024

Sosiedade Civil Timor-Leste Sei Organiza ASEAN People’s Forum iha Setembru 2024

911
0
Steering Commite APF halo enkontru ba preparasaun forum nian iha Yayasan Hak. [Foto: Doc Fongtil | 29.05.2024]

Reportajen Ato ‘Lekinawa’ Costa

Forum Organizasaun Sosiedade Civil/Forum Ema ASEAN (ASEAN People’s Forum (APF)) sei akontese ba dala-2 iha Timor-Leste, iha fulan Setembru 2024. Ohin lideransa hosi organizasaun sosiedade civil Timor-Leste nian halao enkontru Regional Steering Committee hodi koalia kona ba preparasaun ba halao APF iha Timor-Leste ho tema “Tinan 20 ACSC/APF: Atinjimentu, Dezafius, no Diresaun Futuru nian iha Nivel Nasional no Rejional”. 

Chair ACSC/APF Timor-Leste nian, Elisabeth de Araujo esplika kona ba importansia hosi enkontru ida ne’e hodi halo preparasaun diak liutan ba organizasaun Forum mak sei halao iha Timor-Leste fulan Setembru mai.

“APF nebe sei organiza iha Timor-Leste ne’e APF ba dala-2 no ita hasoru malu iha enkontru rejional ne’e lori hamutuk reprezentante organizasaun sosiedade civil iha ASEAN hodi avalia atinjimentu no dezafiu sira mak ACSC/APF halo ona iha tinan 20 ikus”, Chairperson APF nian, Elisabeth Araujo hato’o iha enkontru Steering Committee Regional nian ohin (29/05), iha Salaun HAK, Dili.

“Enkontru ida ne’e nudar enkontru hodi halo diskusaun preparativu ba Asean Peoples Forum mak sei halao iha Setembru 2024”, Elisabeth aumenta.

Enkontru ne’e rasik loke husi reprezentante Gabinete Apoio Sosiedade Sivil, Diretora Suzete Mozaco no espresa prontidaun Gabinete nian hodi kontinua apoio eventu tuir mai.

“Forum ida ne’e harii ho solidaridade entre sosiedade civil ho halo influensia ba estadu membru ASEAN nian. Planu governo nian konsidera sosiedade civil nudar parseiru governu nian, tan ne’e governu fo importansia ba forum ida ne’e no fo apoio finansiamentu ba organizasaun sosiedade hodi tau matan ba boa governasaun no demokrasia”, Diretora Suzete hato’o.

Marka prezensa iha enkontru Steering Committee Regional ne’e  reprezentante Komite Organizadora Nasional sosiedade civil ASEAN nian, fasilitador no orador sira membru steering komite regional APF nian, Forum ASIA, ASEAN SOGIE no eis-NOC APF Timor-Leste.

Iha expetativa katak enkontru ne’e sei halo avaliasaun ba APF nia lalaok durante tinan 20 no desidi kona ba asuntu organizasional nian sira ba Forum APF iha Setembru 2024 nian.

Print Friendly, PDF & Email

LEAVE A REPLY

Please enter your comment!
Please enter your name here