Reportazen Francisco JDA
Hafoin governu aprezenta karaterístika urjencia ba levantamemtu extraodinariu ho montante $286 miloens, liu hosi plenaria iha Parlamentu Nasional, deputadu bankada opozisaun CNRT, Patrcinio Fernandes sujere ba membru governu oferese dokumentus ba exekusaun fundu Covid-19, nune’e bele konsidera levantamemtu ne’e ho karaterístika urjencia ka lae
“Em Felismente Dokumentu sira ne’e la iha Duni, ha’u kaer ba esplikasaun ne’ebé mai hosi membru governu, iha levantamemtu ba tezouru no reforsa tan Covid-19, esplikasaun ne’ebé ohin fo kona ba Covid-19 nian, barak liu kona ba korespondensia ba asuntu sira ne’ebé indireitamente, la’ós direitamente ba Covid. Asuntu sira ne’ebé sai razaun fundamental, husi levantamemtu extraordinario iha Abríl liu ne’e razaun ho Covid maibé iha execkusaun sira ne’e la tau ba prioridade, tau tiha fali iha segundu prioridade, ne’ebé ha’u husu karik ita sei iha moral, se ema sira ne’ebé tau duni sira nia an iha risku ba duni asuntu ida Covid nian, ita la tau atensaun dehan atu halo pagamentu ba ida, ita ba fali buat seluk no prioridade fali ba buat seluk”, hateten Patrcinio Fernandes iha uma fukun parlamentu, 15/06.
Hatan ba kestaun ida ne’e, iha fatin hanesan Vice Ministra Finansas, Sara Lobo Brites, iha diskusaun esplika katak, kona ba pedidu levantamemtu extraordinario iha razaun, tanba iha fim de Agostu saldo hela $30 miloens, signifika iha fulan Septembru iha difikuldade atu finansia makina do estadu. Konselho Ministro mós aprova hela pakote ekonomia lubuk ida, ne’ebé mak ho montante $150 miloens la too atu kobre hotu.
“Dezisaun sira ne’e Konsello Ministro deside tiha ona, ne’e duni presiza atu iha reforsa porvolta $70 miloens, para atu bele halo kabementu ba desizaun sira ne’ebé mak Konselho Ministro deside”, tenik Vise Ministra Finansas Sara Lobo Brites.