Home Justisa Lei Defamasaun, MUTL Nota Sei Hamate Papel KAK, PDHJ no Lei KOMSOS

Lei Defamasaun, MUTL Nota Sei Hamate Papel KAK, PDHJ no Lei KOMSOS

558
0
MUTL halo konferensia imprensa. [Foto: Santina Lucia da Costa | 13.06.2020]

Reportazen Santina Lucia da Costa

Projetu Lei Defamasaun ne’ebe Ministeriu Justisa iha tentative atu kriminaliza defamasaun, hamosu preokupasaun hosi Movimentu Timor-Leste (MUTL). Liu hosi konferensia imprensa Porta-Voz MUTL, Anopen Maubere espresa nia hanoin katak esbosu Lei ne’esei hamate total sidadaun nia Liberdade espresaun ne’ebe haktuir iha Konstituisaun RDTL, artigu 40

Anopen Maubere esplika Konvensaun Internasional sira ne’ebé ratifika nu’udar Lei nasional, no la valorize sentidu estadu de direitu demokratiku, hodi ignora luta povu nian ba libertasaun patria, husi operasaun militar no kolonial, ne’ebé ema hotu simu konsekuensia bo’ot no todan, durante tempu kolonilismu tinan 450  no invazaun militar invade Timor-Leste durante  tinan 24 laran, liu husi presaun oin-oin, maibe guerilerus no Loriko aswa’in,  no saudozu sira ne’ebe mak fakar ran iha tempu ne’eba, tamba deit povo no nasaun atu bele hetan liberdade ida ne’ebe mak livre no demokratiku.

MUTL nota katak Ministeru Justisa, Dr. Manuel Carceres tenta atu lori fila povu Timor-Leste, hodi hasoru ditadura Salajar no ditura Soeharto nia tempu. MUTL husu ba Ministru Justis, Dr.Manuel Carceres hapara esbosu Lei Ida ne’e

MUTL haree katak sekuensia husi esbosu Lei ida ne’e, se hetan aprovasaun mak sei fo hmate prinsipiu estadu direitu demokratiku Timor-Leste nola komunga prinsipiu Konstituisaun no Leis no la komunga prinsipiu jeral ne’ebe hatur iha artigu 16, konaba Universalidade no Igualdade

MUTL mos nota katak sei fo imapktu ba instituisaun estadu sira nia servisu hanesan Komisaun Anti Korupsaun  no Providoria Diretu Humanos no Justisa (PDHJ) nia papel ne’ebe hametin estadu Direitu Demokratiku no boa governasaun.

Hamate mos Lei Nu.5/2014 Lei Komunikasaun Sosial, liu-liu hamate papel jornalismu nian, ne’ebe mak hanesan povo nia lian, atu bele partilha informasaun ba publiko. Hamate mos Lei Nu.1/2006 liberdade reuniaun no manifestasau ninia.

“Ami nota katak esbosu Lei ne’e sei benefisia de’it ba ukun nain sira, fo liberdade ba koruptores sira, no sai fatin abrigu ba kriminozu sira”, hateten Anopen.

MUTL husu ba Dr. Manuel  Carceres atu labele uza poder hodi hamate liberdade ne’ebé mak sosa ho ruin no ran.  MUTL husu ba Primeiru Ministru RDTL atu anula desizaun, hodi entrega lejislasaun ba Parlamentu Nasional, uza sira nia kompentensia lejistativa nudar lejislador, atu halo debates klean ba konteudu husi esbosu refere no halo konsultasaun publika ho entidades relevantes antes aprova Lei ne’e.

LEAVE A REPLY

Please enter your comment!
Please enter your name here