Reportajen Francisco JDA
Presidente Committee 12 Novembru, Gregoriu Saldanha “ Mouris” ba Neon Metin hateten daudaun ne’e konstrusaun monumentu Santa Cruz lao hela, maibe loron masakre Santa Cruz mos besik daudaun ona, tanba ne’e mak buat rua ne’e importante hotu, atividade selebrasaun ne’e mós halao nafatin iha santa Cruz, tanba tinan barak Committee 12 Novembro ezije atu harii monumentu.
“ Selebrasaun kada tinan ita halo hela mezmu Santa Cruz ne’e ema taka tiha mos ita halo hela, pelumenus ita ba misa, tau ai-funan, karik oportunidade iha ita bele halo festa no serimónia boot ema aprezenta atraksi ruma, mas agora dadaun ne’e, ema halo lutu hela, talvés ita tenki adapta situasaun iha ne’eba”, hateten Presidente Comitte 12 Novenbro Gregoriu Saldanha “Mouris” hafoin partisipa Seminariu Nasional iha Centro Nasional Chega! Balide, 27/10
Mouris subliña, saida mak komisaun organizadór daudaun ne’e hanoin hela, atu asegura kalén sira ne’ebé daudaun ne’e didin hela Santa Cruz, tanba iha faze konstrusaun entaun, komisaun iha obrigasaun atu koordena para halo seguransa diak atu nune’e fatin ne’e seguru nafatin
“Ita hare aspetu númeru boot, ida fali ho nia aspetu valor ne’e, fatin bele kloot mas ita bele halo buat ne’ebe ho valor boot, ita ho seriedade ida ne’e importante liu” hatete Prezidente Committee 12 Novembru
