Home Uncategorized PNTL Buka Tuir Ona Autor Sunu Bandeira Portugal Ne’ebe Viral Iha MedSos

PNTL Buka Tuir Ona Autor Sunu Bandeira Portugal Ne’ebe Viral Iha MedSos

1411
0
Superintendente Xefe Polisia Nasionál Timor Leste Munisípiu Dili , Henrique da Costa. [Foto: Francisco JDA | 28.06.2021]

Reportajen Francisco JDA

Ema deskoñesidu sunu bandeira Portugál hafoin jogu piala Euro entre Portugál no Belgia,  no viral kedas iha media sosiál, nune’e PNTL Munisípiu Dili hosi parte informasaun no Patrullamentu buka tuir ona autór ne’e, maibé fatin sunu Bandeira mak PNTL seidauk identifika.

Hafoin jornalista sira konfirma kedas asuntu ne’ebé ba iha parte seguransa PNTL, tuir Superintendente Xefe Polisia Nasionál Timor Leste Munisípiu Dili , Henrique da Costa ba jornalista sira hateten katak iha informasaun ida ne’ebé daudaun ne’e viral iha media sosial, iha mós ema balun ne’ebé sunu bandeira Portugál nian, maibé  loloos tenke respeita ema nia símbolu nasaun

“Parte informasaun agora sei buka tuir hela autór ne’e, atu bele lori ba iha prosesu tanba ita hatene Bandeira ne’e símbolu nasaun ema nian ita hotu tenke respeita. Hanesan bandeira video ne’ebé viral no sunu bandeira,  ita nia parte informasaun no patrulla buka tuir ona no se hetan, se prosesa autór ne’e” hateten Henrique da Costa iha Comando Municipiu Dili Kaikoli, 28/06

Henrique da Costa realsa tan horseik  PNTL halo duni pasa revista iha kapitál Dili hahú hosi tuku 04:00 loraik too dader 06:30 no konsege prende motorizadas hamutuk 114, nune’e motor sira ne’e iha hotu ona Komando Municipiu Dili nia fatin, hodi hein motor nain sira selu iha banku hafoin bele foti fali, nune’e akontese mós insidente iha parte Becora maibé PNTL Munisípiu Dili konsege atua  situasaun ne’e

“Insidente ne’ebé akontese iha parte Becora nian, iha madrugada tuku 06:00 depois jogu remata iha grupu rua provoka malu iha ne’eba, depois patrulla to’o iha fatin, haruka grupu sira ne’e ba fali iha sira nia fatin” hateten Superintendente Xefi PNTL Municipiu Dili Henrique da Costa iha Comando Municipiu Dili Kaikoli, 28/06

Print Friendly, PDF & Email

LEAVE A REPLY

Please enter your comment!
Please enter your name here